انتظار المعشوق
مهدينه مهدینه...ننتظره مهدینه
عالدرب ننتظره...ما ندري شمأخره
ننتظره مهدينه
علگنه الضلوع شموع وافرشنه جفن العين
وگمنه لأجل ملگاك نتلاوه ويه البين
خبرنه یا سباح گلبي بمچانك وين
يم البقيع اتنوح لو یم ضریح حسين
دلینه دلينه...يالمهدي دلينه
خدامك وننخاك...ما ينجرع فرگاك
ننتظره مهدینه
عد العرب عادات وامثال مضروبه
گلب اليحب ميطيب إلا ویه محبوبه
وگلب الفگد محبوب نيرانه منشوبه
وانته اهجرت عشاگ دمعتهه مسچوبه
تاذينه تاذينه فرگتك تاذينه
تخلي الدليل يلوب ويدور المحبوب
ننتظره مهدینه
يالمهدي لوجه الليل نركض ندور اعليك
وشلنه بدينه ارواح ونرید نوصل ليك
نغطيك بيهه نرید خاف البرد ياذيك
يالمنسي بين الناس ياهو اليفكر بيك
حنينه حنينه...لشوفتك حنينه
شوفتك يا مولاي...نتنطرها اهواي
ننتظره مهدینه
كل البشر ترتاح لمن يجن الليل
وبراحه بيه اتنام وكل گلب همه يزيل
بس انته يا مظلوم صبح ومسه بالويل
گلبك يگطر ادموم وعينك دمعهه يسيل
والينه والينه...مظلوم والینه
بشچم جرح مجروح...ما يدري وين يروح
ننتظره مهدینه
گلبك يغايب صار جمره وتشب نيران
ومن السهر بليل جفنك اظن ذبلان
وصدرك اظن مخنوگ وبكل وكت حزنان
وتبچي عله اهلك دوم وتنعه الگضه عطشان
تچوینه تچوینه...جمرتك تچوینه
متوجره من نارين...الباب وخیام حسين
ننتظره مهدینه
