يالمهدي يا يوم الذي بيه تظهر...ما تدري بگلوب التحبك تسعر
چم دوب نبگه عالدرب نتنطر...وأمك هالعلگتلك شمعه

تنتظرك امك والضلع ياذيها...کالساعه يلچمها ويحض اعليها
تريدك الزهره بچفك اداويها...والبسمار النابت شلعه

تجبر ضلعها وترجع اعله الخدين...طبع الضرب تلگاه بخد أم حسين
والسوط تلگاه نابت بطرف العين...والدم جامد فوگ الدمعه

تناديك أمك ضلعي يسهل جبره...وتهون كسرة ضلعي ويه السطره
من اذکر ضلوع الابن متطشره...والصدره مهشم شيجمعه

يوم الطباگ حسین ابني گصدته...ارد انظر الوجها لچن ما شفته
تالي اشوفن عالثره بس جثته...والراس ما ادري بوضعه

ولني اشوف امخدره من الثايه...طلعت تنادي يشيال الرايه
هالیله وحشه گوم خويه ويايه...وخل نگصد لحسين نشيعه