مسلم يودع حميده وبالگلب ناره سريه
يگلها بویه ماشي عنچ بأمر من ابن الزچيه

گامت تودعه وتشمه واختلط دمعه ودمعها
وحضنته حضنت امأيس وانحنه ضلعه وضلعها
تگله شجرة محبتنه یا هَوه الهب و گطعها
گلها یا بويه اصبري وخلي وناتچ خفيه

زهرتك انه يبويه وچنت تسگیني بدمعتك
ولو رحت یا هو يضلي ردتك تضل يمي ردتك
یالچنت خيمه عليه بويه ما احمل فرگتك
بویه یا مسلم تراني گمت ادور عالمنيه

گلها یا بويه اصبري وانه خليتچ ودیعه
بید ابو السجاد واخته والگمر عين الطليعه
انتي يم حسين ابشري ابرحمته الكبرى الوسيعه
حسين ابو اليمه فخرنه وكلنه اله نغدي ضحيه

وبعده مسلم يصبرها وهيه حاضنته وتشمه
ولن ابو السجاد اگبل وزينب المظلومه يمه
وعالصدر خله حميده وزودت هالطفله همه
وگلها يا عمي انتي واسي باليتم سكنه ورقيه

وگوطر بأحزانه مسلم والدمع يجري اعله خده
فرا گها یلچم دلیله امدللـه وهالوحده عنده
بكل مچان يشوف بنته و گطّعت فرگتها چبده
ودومه يذكرها بحسرته ودمعته الظلت جريه