لوعة يُتم
عالدرب ضلت حميده...تصرخ بونه شديده
تدري بويه من مشيت...چم ضلع لجلك حنيت
بویه هليت الدمع من گوطرت...وسهرت عيونك لأجلي وساهرت
بویه تدري شكثر بعدك ناطرت...ومَثَل لهل الصبر يا بويه صرت
بویه حزني ارد اعوفه...وجهك الغالي اشوفه
ونرجع ونسكن البيت...چم ضلع لجلك حنيت
ما يجف دمعي ولا ونتي تهيد...إلا يابويه أشوفك من جديد
يالأحسك تمشي وي دم الوريد...يلي گلبك يمي وجسمك بعيد
لمن تجن الليالي...طيفك يمر اعله بالي
وشكثر بویه بچیت...چم ضلع لجلك حنيت
من عگب عينك يبويه بس أون...وللنياحه بگیت وفنون الحزن
وابچي وي ليل النوايب من يجن...ولحظه ما دلالي عگبك يستچن
طفله ودموعي جريه...وصحت يارب البريه
وشلت چفيني ودعيت...چم ضلع لجلك حنيت
گاعده انطر ولن صوت العويل...ولن اجاني حسين ودموعه تسيل
گتله يبن الزهره لتگطع الدليل...لا تگلي والدي مسلم چتیل
وجهي يابويه لطمته...ويادلالي اللي ذكرته
وعگبك بلوعه بگیت...چم ضلع لجلك حنيت
طحت مذهوله واجتني أم الخدر...تگلي عودچ قدم لطاها العمر
وانتي بت حيدر علي راعي الصبر...يا حميده ومن بعد يتمچ یسر
وعله الكوفه نروح يسره...وعودچ تشوفين گبره
صحت یا بویه وهویت...چم ضلع لجلك حنيت
