حميده اتصيح أبويه الغالي وینه...غيابه طال ولا بيّن علينه
اروحن وين يا بويه...لفاني البين يا بویه

بالهضم ضلت حميده وتنتظر والدها يسدر
وبگلبها جمره تلهب وكل وكت باللوعه تنطر
ومن تهيج الذكره عدها تنادي والدمعات تنثر
بغيبتك بویه کسرتني وبس رجعتك هيه تجبر
بویه مسلم تره گلبي تگطع...يالعفتني دگلي يمته ترجع
ونعيش اثنين يا بويه...لفاني البين يا بویه

بویه یا مسلم تراني ما ألي روح المصيبه
بزغري اتيتم هضيمه وكلفه دمعاتي سچیبه
بویه تقبل آنه اظلن هم يتيمه وهم غریبه
بویه ما یکسر دليلك گلبي وهمومه ونحيبه
بویه حزني تره خيم عليه...بویه عگبك اشكثر احمل اذيه
وأهلِّ العين يا بويه...لفاني البين يا بویه

بویه یا مسلم فرگتك خيمت ابهمها عليه
ودمعتي تجري لغيابك كل صباح وكل مسیه
بویه لو نيتك مترجع بالحلم بس مر عليه
ارد اشوف بلهفه وجهك يالرحت من بين أديه
خل دليلي يون ونه شديده...حته تدري شسده وصار بحميده
هل دمعين يا بويه...لفاني البين يا بویه

وهيه تشچي ولن اجتها زينب الحره العقيله
وحضنت بلهفه حميده والدمع عالخد تسيله
تگلها يا روحي اصبري انتي لحیدر سليله
انتي ما شفتي اللي شفته مصابي ما صایر مثيله
يا حميده أنه أم المصايب...وحميده تصيح دليلي لعودي ذايب
لون ونين يا بویه...لفاني البين يا بویه

زینب اتگلها لحميده صبري يا زهرة زماني
انتي بس واحد فگدتي يا عزيزة روحي وآني
حيدر وأمي الزچيه والحسن وحسين ثاني
هالدهر گطع دليلي چم سهم حاقد رماني
يا حميده وبعد امشي سبيه...ويمّر ضعني على حامي الحميه
وفگدت حسين يا بويه...لفاني البين يا بویه

و گامت الحره العقيله وشالت وياها اليتيمه
وساعة تبچي وياها زينب وساعه يشتمها ابهضيمه
وساعه تاخذها لأخوها ابدمعه عالوجنه سجیمه
اتگله يا خويه حميده يا وسف تگضي ابظليمه
ألف وسفه ابيتم تگضي عمرها...وثوب الأحزان تلبسه من زغرها
وتون كل حين يا بویه...لفاني البين يا بویه