النزلات...........
صرخة على قارعة الطريق
يا هلي بيكم حده حادي البل...وعفتو طفله امحيره ابمدمع يهل
عفتو طفله امعلعله وكلها اشواگ...والمرض زاد المرض من الفراگ
يا هلي اخذوني وياكم للعراگ...ولا تخلوني تره وحدي اسل
يا هلي وياهو هله يشبه هلي...اني ابویه حسين وعضيدي علي
اشلون أضلن بالمدينه ابلا ولي...اتصير وحشه ابعيني كل هايه النزل
يا هلي من دونكم اتسله بیش...وليش بس اني الأضل يا اهلي ليش
انه بعد حسین ما يحلالي عيش...يا هلي وافراگكم ما ينحمل
يا هلي يعگوب من فارگ ولد...لبس ثوب الحزن وامصاب الأبد
اشلون بالفارگ هله ابلیله وفگد...حگه لو عاتبكم ومنكم يسل
يا هلي يعگوب لو شاف الرضيع...الجمال اليوسفي ابوجها يضيع
يا هلي كل نوره من جده الشفيع...والجمال الزهره بت سید الرسل
يا هلي يعگوب حن حنت النيب...وهوه واحد فارگه واصبح غريب
وانه افارگ چم حبيب وچم حبيب...اشلون اصبر يا هلي وما انذهل
خلو عبد الله ألي وآنه أله...گلبي خايف يا هلي من كربله
گلبي خايف عالطفل من حرمله...الف لعنه عليه هالرجس النذل
يا هلي واختي رقيه تروح وين...اشلون تحمل هالدرب بثلث سنين
خلي اني وياه نتذكر حسين...لمن ما يرجع ضعنکم یا اهل
وهيه تصرخ يا هلي والضعن شال...اوسفه ضلت فاطمه بأصعب الحال
بیت اظلم لا نساء ولا رجال...لا ابوها ولا امها ولا طفل
