عِلَّةُ وفراق
يا بويه حاچيني...وارحم دمعي عيني
گلبي انفطر من هالسفر...من هالسفر گلبي انفطر
عليله وبالمرض ذبلت وتعنت صوب ابوها حسين
وجدمها من الخجل يعثر ودمعها يهل على الخدين
تگله بويه ما اگدر على افراگك ينور العين
عليله واكسر الخاطر وعسن بعدك خذاني البين
درحم سگم حالي...لو میته اشوالي
وهذا القهر من هالسفر...من هالسفر هذا القهر
يبويه راح اضل بعدك مثل طير وفگد وکره
ومثل ورگة شجر يبست وطاحت من غصن شجره
واحنن حنت الناگه واهيم بكل أرض گفره
واجمع كل يتامه الناس واهل وياهم العبره
ما ینگطع وني...لو گوطرت عني
وابگه بکدر من هالسفر...من هالسفر ابگه بکدر
أخذني وياك يا بويه وجرحي بفرگه لتلچمه
وإذا ضليت ويامن ودارك موحشه وظلمه
اگضي ليلي بالحسبات واضل ابچي ويه کل نجمه
دخلي يمي عبد الله وألوليله مثل أمه
عن طيبك احچيله...وبالليل الوليله
ويحله السهر من هالسفر...من هالسفر يحله السهر
جاوبها أبو اليمه يگلها بويه اخاف اعلیچ
سفرنه بي تعب تدرين واخاف من التعب ياذیچ
بس هاليله يا روحي تشوفيني واصدن لیچ
اگعدي بحضني يا بويه اريدن بس اشمن بیچ
وطاحت على صدره...وتشم عطر نحره
کلنه اخطر من هالسفر...من هالسفر کلنه اخطر
من طر الفجر ودع ابو اليمه ابحزن بته
حضنها الوالد ابلوعه وهيه بشوغه حاضنته
يگلها بويه ما انساچ وتگله روحي بس انته
گلها گلبي ضل يمچ وتگله انه علگته
وعلگته بالرایه...وگلبك بگه ويايه
ودمعي انحدر من هالسفر...من هالسفر دمعي انحدر
ومشه عنها الضعن وابعد وضلت فاطمه بشده
وگعدت عالدرب تنطر والراح واجه تنشده
شوكت يرجع عليّ عودي واحط خدي على خده
واشيل بأيدي عبد الله واشوفه نایم ابمهده
ياهو ابتله مثلي...وعافوني كل اهلي
وماکو خبر من هالسفر...من هالسفر ماکو خبر
