من طوح الحادي ابدمعه مذروفه...ام عباس ابنها رادت اتشوفه

بس طوح الحادي ضلت اتنادي...ريضلي اعله هونك بله یالحادي
انه الوالده وحگي على اولادي...اوصيهم بخوهم لحد ایعوفه

وگف ضعن الحسین واگبل العباس...لمه الرضع منها الغيره والنوماس
يگلها اشرايده مني يتاج الراس...معروفه وصیتچ عندي معروفه

وصیتچ عن اخويه حسين ادريها...وروحي دون روحه کون افديها
عینچ خل تگر والزهره وافيها...گمر هاشم وليدچ ناذر اچفوفه

وناذر راسه ابنچ کون يتهشم...حتی حسین راسه من الشمر يسلم
وبعينه السهم والثانيه بالدم...تطفه وراسه اخويه حسين ما شوفه

تگله والنعم منك يبدر التام...یا ضرغام يبن المرتضى الضرغام
ليلوذ ابجنابك ابد ما ينضام...ذكرهم ابخوة علي المعروفه