اولادي هضموني...راحو وعافوني

من الضعن طرح...گلب امهم اتجرح
والعين بس تشبح...خل يعمن اعيوني

كل العليّ سادي...من طوح الحادي
يا وسفه اولادي...بالغربه خلوني

من راحو الطيبين...ضليت بين اثنين
بين الرجه والبين...وهل خابت ظنوني

خلف الضعن نادیت...سالم ضعنکم ریت
وبحسين انه وصیت...اولادي يوفوني

وياكم يهالشبان...أم الخدر والشان
چافلها حیدر چان...بهيبتها سروني

نط عرگه ابو النوماس...وصاح بغضب عباس
تخسه يیمه الناس...ما تطبگ جفوني

يبني كتلني الويل...والدمع شل الحيل
احچي ويه نجم الليل...ما شفت مضعوني