لوعة زفاف
وسفه الشمع والحنه...صارت مناحه اوونه
يلي غفیت بحومتك...ارجع يروحي لزفتك
صارت مناحه اوونه
من برز للحومه جاسم رمله ضلت تندعيله
شايله چفوف المحنه و گامت تصبرها ليله
تگله توه ابني فگدته وشفته مصيوب بدليله
وهذي عمته ثنين فگدت گومي خنواسي العقيله
وبس گامت المظلومه...لن صوت من الحومه
بیا کتر صارت طيحتك...ارجع يروحي لزفتك
ومن وصل عمه ونظرله ينزف على الگاع دمه
ناده يا عمي شضمد جرح راسك خاف ألچمه
وضل ينادي بالمعاره بیش اشيله اشلون ألمه
شلون ارد بيه للمخيم شرد اگل لرمله أمه
یا جاسم ارحم عمك...حایر شگل لأمك
تعبت عليك وربتك...ارجع يروحي لزفتك
وجابه حطه بصف الأكبر وگعد والمدمع يهله
يگله يبني اشلون اضمك وهل أجتني عليك رمله
وبعده يحچي ورمله صاحت يا ابو السجاد خله
ارد اگله احچايه وحده يبني نومك مو محله
وسفه يجاسم وسفه...تنچتل وانته بزفه
راح اطفي شمعة فرحتك...ارجع يروحي لزفتك
یا ابو اليمه ارد اسولف يمّه خل يسمع عتابي
عمري خلصته برباته وما شفت راحه بشبابي
ردته يخلف تعبي ردته وتالي شنطاني جوابي
ظني اموتن اني گبله حته يذكرني بغيابي
وهوه الذي يباريني وبحضنه تغمض عيني
تالي الدهر بيه فتك ارجع يروحي لزفتك
زفت ابني فكره چانت وعایشه دوم بخيالي
واتعبت كله لأجلها واسهرت أطول ليالي
وچنت انطریوم یکبر وراسي بيه يصير عالي
سيدي وما چنت احسب بالمعاره الزفه تالي
ويا وسفه ليلة عيدي...راح امندیه اوليدي
تهنه يیمه بنومتك...ارجع يروحي لزفتك
وچنت كل الليل اسهره ونومي بالمصباح لو طّر
وكله يم مهده انامن والأمل جسام یکبر
ومن كبر هوه اللي گلي يمه نامي وآنه اسهر
وردت انام ولن اشوفه على الثره جاسم توذر
وجهي لطمته بلوعه...ورحت وطفيت اشموعه
ذاب الگلب وي شمعتك...ارجع يروحي لزفتك
