دمعة أمك...ويه دمك
اتلاگن ابحرگه وجرن فوگ الوطيه

يبني يجاسم من رحت...للمعركه وليها اگصدت
عاينتك بلوعه ونحت...ردتك تضل ابهالوكت
آنه ردتك...يالذخرتك
انته تدفني وتضل تبچي عليه

وضليت اتانيك ابألم...وكل لحضه من التمر سهم
تالي طلعت بين الخيم...ودلالي بفراگك علم
گلبي يدري...بلي يجري
وادري هالروحه الرحتها بلايه جيه

بين الخيم گمت انتظر...لن دمعي کت لاچن جمر
وهیست بگليبي فطر...عرفتك طحت من المهر
يا دلالي...هذا تالي
عمّت علينه يیمه الغاضريه

يبني تمنيت العمه...وتعصرني عالگاع السمه
وجسمي السيوف اتخذمه...ولاشوفك احنه ابدمه
يبني گلي...بعمري شلي
وشفتك بعيني طريح بلا تچيه

ترضى اضل ابهالوضع...اعلگ شمع واهمل دمع
ولو شفت زفه ينصدع...گلبي واروح اطفي الشمع
بحلمي ابني...وتالي ذبني
دهري وزفتك غدت عالسمهریه

يوليدي انه الغذتك...من درها لمن كبرتك
وسهرت الليل وربتك...عالغبره تالي شافتك
يبني يبني...لو تحبني
اگعد بساعه واخذ بيدك اديه