حنان أمومة
ابشمع عرسك لتچويني...يجاسم لا تخليني
الگلب محتار...الدمع مدرار
يجاسم لا تخليني
یا جاسم يلب احشاي تدري شكد سهرت الليل
تدري الناس كلهه اتنام ويم مهدك دموعي اتسيل
ولون اتميل أميل اعليك مثل الغصن من ایمیل
يلحبك عگد گلبي واسمك كل فجر ترتیل
آنه أمك يضي عيني...آنه البعتك سنيني
وشريت أخطار...الدمع مدرار
يجاسم لا تخليني
ابهالحاله اگضي الليل وانا من بالفجر لو طر
وانته الفجر تگعد بيه وبلياي ما تگدر
گمت اعصر جفن عيني وحتى الفجر بيه اسهر
وكل هذا التعب والعت يبني وبس ردت تکبر
وبس طلبه ردت يبني...عله متونك تشيعني
وتظل زَوَّار...الدمع مدرار
يجاسم لا تخليني
چنت اتمنه بضلوعي يا جاسم اگمطنك
وصدري يصير الك كاروك وبروحي اهزنك
ولو تعطش جفون العين اعصرها واشربنك
واحوم عليك مثل الطير لمن ما اكبرنك
وامسح دمك اليجري...واعيش وياك كل عمري
وتظل بالدار...الدمع مدرار
يجاسم لا تخليني
يوليدي وحگ عمرك لرخص وياه دمه گلبي
چنت من تطلع من البيت عيني لجيتك تربي
واگعد يبني عالعتبه واشيل چفوفي الربي
واحلفه بعودك المسموم وسهر عيوني وتعبي
ولمن ما ترد ليه...كل ضلوعي محنيه
وتشوف اشصار...الدمع مدرار
يجاسم لا تخليني
وعگب هذا التعب كله لن تعوفني وتروح
انظر لك عله الغبره وبکل کتر بیك اجروح
وانته اللي كتلني ارباك تالي عله الثره مطروح
عاري مخضب ابدمك ومن نحرك الدم يفوح
يلي نسيتني ومشيت...عگبك اسكن بیا بیت
الدهر غدار...الدمع مدرار
يجاسم لا تخليني
يبني بحيره گابلتك اگلب جسمك الدامي
وصحت بصوت یا جاسم ضاعت بيك احلامي
انته تروح يم عودك وانه ابگه ویه ایامي
انته الضامي من الماي وگلبي لشوفتك ضامي
یا خیمه وعمدها طاح...يا گلب وبلا سباح
يطير وطار...الدمع مدرار
يجاسم لا تخليني
