الفصل الثاني: النزلات.........
رضيع صريع
يوليدي يعبد الله...يوليدي يعبد الله
يعبد الله ينور العين حين اللي رحت مني
گصدتك والدمع مسفوح واصيح بیا کتر يبني
لگیتك واگعدت يمك واعاين نحرك ابعيني
وحين الشفته ناديتك شفرگ بينك وبيني
اگعد يا ثمر گلبي اناغيك وتناغيني
تراها ضاگت الوسعه حين اللي غبت عني
بیمه ما شفت گبلك رضيع وينذبح عطشان
ويضل فوگ الثره عاري وراسه ينرفع عالزان
گلبي ينكسر يمه حين لأنظر النسوان
يِرضعَن بالولد وآنه من وليدي انگطع ضني
تمنيت العمه ولا شوف بنبلة حرمله مفطوم
وتمنيت الأجل گبلك ولا ابگه واضل لليوم
گبل لا يجري دم نحرك نزف گلبي عليك ادموم
يبني ومن جره دمك ضل يجري دمه جفني
أمشي اعليك ابوك حسين ارجع للخيم وياي
ما اگدر ارد وحدي حرمه وخايفه من اعداي
يبني انچانك عطشان اعصر- جفني واشرب ماي
ما یکسر دليلك ليش دمعي ولوعتي اوني
يبني ارحم دليلي الذاب حين الشافك امعفر
وارحم وحشتي بالليل يا بدر الچنت تزهر
تنام الناس لوجه الليل وآنه ويه المهد اسهر
اهزن بيه وهو خالي ومهدك يمه شيبني
لون چلچل عليه الليل تهيج جروحي وآلامي
وأضل أذكر ليالي ارباك ودمعي عالوجن هامي
چنت احسب اشوفك شاب مو فوگ الثره دامي
وراسك عالرمح مرفوع ودهري بيك دولبني
