الفصل الثاني: النزلات....
حيرةٌ كبيره
طير السعد...طار وصعد
طار وصعد
يم عبد الله عبد الله روحه فارگت جسمه
انذبح ما مرتوي من الماي لچن متروي من دمه
عبد الله انذبح ضامي آه يا هضمة الهضمه
ومهده صدر ابوه حسين وگبله چان صدر امه
يم الولد وسفه انفگد...طار وصعد
طار وصعد
يم عبد الله من حگچ لوعبد الله تبچيله
ياهو العنده مثل ابنچ يا هو الشافته عينه
عبد الله بدر يزهي ليل وصبح تلگينه
عبد الله ابوه حسين واخته الطاهره اسکينه
ضميه عن عين الحسد...طار وصعد
طار وصعد
يم عبد الله لو تبچيه طول الدنيه معذوره
عبد الله خمد بدره عبد الله انطفه نوره
وشال حسین دم نحره وعليه ادموعه منثوره
وذبه للسمه ابحرگه واشگد صعبه هالصوره
ذب الدمه الواحد احد...طار وصعد
طار وصعد
يم عبد الله لو شفتي حال حسين لو حاله
چا مِتي الف موته ودموعچ تبگه هماله
ابو ابنه انذبح بیده انذبح يا ناس دلاله
ولد عطشان راد الماي يشوفه يرفرف اگباله
آه الولد آه الولد...طار وصعد
طار وصعد
يم عبد الله ينظرله وما يدري اشيسويله
طفل امگمط ومذبوح وأبوه ابحيرته ایشیله
يجيبه الرمله ما يدري لزينب لو لعد ليله
شايل همچ وهمه ابرباب اشلون هلیله
گلب ابو السجاد انمرد...طار وصعد
طار وصعد
يم عبد الله بچه الكون من شال الدمه ابأيده
ابو محتار كله اهموم شايل جثة اوليده
یعوف الطفل بالميدان امه شايطه اتريده
جابه بالدمه غرگان والچ مذبوحچ ایعيده
نیمی ذبیحچ بالمهد...طار وصعد
طار وصعد
يم عبد الله هذا حسين وهذا وليدچ النايم
وهذي كربله وهمها وحزنها الدائر الدائم
وهذا انتي الحزينه اعليه وهذي عمته وفاطم
ابچي اعليهم ابكل حين وگلبچ خل يضل هایم
ماكو فرح عدكم بعد...طار وصعد
طار وصعد
