عالمة وفقية
زینب آنه يا حبيب الهاشميه...جدي طاها اوالدي حامي الحميه
والزهره أمي...يا ريت يمي
يا ريت يمي
الليله أنصار الزچيه سمعوا ابزینب حزينه
خايفه اعله حسين اخوها وعالنسه وكل الضعينه
زینب أُم ابهالمخيم وعالضعن كله حنينه
جسدت معنى الأمومه والوفه هاليله حينه
توافي زينب الليله أنصار العقيده
ويمها تصرخ بشري يا بت الصميده
احنه نحمي...يا ريت يمي
يا ريت يمي
انجمعت انصار الكرامه وطلعو ابحاله رهيبه
ويا حبيب اللي تقدم ودمعته اعله الخد سچیبه
وسلم أعله الحره زینب وردت اعليه الغريبه
وناده اروي الگاع باچر من دمه الأسمچ يجيبه
جندي آنه تحت امرچ یا أبيه
ویبگه خدرچ عالي ابعلو الثريه
افدي دمي...يا ريت يمي
يا ريت يمي
والله يا مولاتي أبگه خادم الكم كل حياتي
انچتل ما بین ادیکم اوبينكم راید مماتي
ومن بعد موتي يزينب تنسبي وياكم بناتي
امنِّي منه يحره وبفرح هلیله باتي
امنِّي منه احنه ربّانه ولينه
يَمَه چنه ويم علي عودچ ربینه
الوفه همي...يا ريت يمي
يا ريت يمي
استبشرت بت الصميده ونادت أصحاب الحميه
يا حبيب الكله غيره عندي ألكم بس وصيه
تدري بس حسين عدنه ماكو غيره أعله الوطيه
ارواحنه كلها ومهجنه فدوه لحسين الزچيه
چان جده ایقبل اچفوفه ويگله
اشگد احبك يالأخذت الگلب كله
انته دمي...يا ريت يمي
يا ريت يمي
یا حبیب و چانت أمي اتصدله بعيون المحنه
اتگله یا دگات گلبي ويا حبيبي وقطعة منه
اسمك ايهيج حنيني ويلچم الدلال چنه
حسين يعني شرف غیره حسین یعني دمعه ونه
حسین غربه حسين بالدلال حسره
حسين حيره حسين للأجيال عبره
حسین غمي...يا ريت يمي
يا ريت يمي
والمصيبه صوت زینب وصل للچافل ضعنها
طلع والسيف ابيمينه وشافها تشچي حزنها
زعل عباس الشهامه زینب اخته انسمع ونها
ریته ينظرها سبيه وين ذاکه الوكت عنها
زینب اختك راح للشامات تدخل
امچتفيها ويا دمعها عليك يهمل
دمع تهمي...يا ريت يمي
يا ريت يمي
