ناده حسين ودمعه بعينه...يا خويه...يا خويه
يابو الغيره جسمك وينه...يا خويه...يا خويه
عبرتي بصدري...ودمعتي تجري

من وگع رمز الأخوه ناده يا روح الزچيه
طلبتي بس ارد اشوفك وخلي تلفيني المنيه
انه اخوك وانته اخويه والأخو يحن أعله اخيه
وتدري تحييني يخويه ابصدت اعيونك عليه
زینب نادت يبن البضعه...يا خويه...يا خويه
عباس اتأخر شيرجعه...يا خويه...يا خويه
ما يرد ذخري...ودمعتي تجري

من وصل صوت الكفاله گام أبو اليمه ابهضمته
وصاحت أعليه اليتامه بویه گاصد وين انته
گال گاصد للشريعه صوت أبو فاضل سمعته
ينخه بيه وگلبي خايف خاف أبو فاضل فگدته
وتوجه للشاطي ينادي...يا خويه...يا خويه
شوفت وجهك هيه امرادي...يا خويه...يا خويه
تنتظر ادري...ودمعتي تجري

ومن لگه العباس طايح عاين لحالة عضيده
مگطعه اچفوف الكفاله وحالت الكافل شدیده
صاح اگعد يا عضيدي الماي سکنه ما تريده
بس تريد تعود سالم والضعن بيدك تعيده
سکنه بهالحاله من تشوفك...يا خويه...يا خويه
متصدگ مگطوعه چفوفك...يا خويه...يا خويه
سکنه ما تدري...ودمعتي تجري

گلي يا خويه شسوي تدري بيه هاد حيلي
ابگه يمك لو اردن یا بدر يمضوي ليلي
لو ارد تتناني زينب شرد اگلها يا دليلي
وصوتها بگلبي اسمعه تصیح چا وینه چفيلي
يالدگیت لزينب صدرك...يا خويه...يا خويه
تنتظرك ترجع تنتظرك...يا خويه...يا خويه
بجمرتي التسري...ودمعتي تجري