یا هو مثلي حرمه عاداها الدهر...وغيمت دنیاها بالهم والقهر

اشلون بيه وزينب انه امدللـه...برایة العباس چنت امضلله
تالي اضل ابلا ولي ابطف كربله...والنشامه كلها عالغبره وذر

مانه چنت امخدرت گومي وهلي...وچان حيدر هوه عودي وكافلي
وحته من طبروه گلي ادللي...عن يمينچ شمس واليسره گمر

وگله للعباس يا راعي الشيم...تدري بملاك السمه لختك خدم
هاك سيفي وانته شيال العلم...وزينب ابيمناك يا راعي الفخر

صار چافل خدري راعي الغانمه...وراسي بوجوده وصل سابع سمه
نشمي عباس وكلف بالموزمه...وسيفه كله اتصيحله الموت الحمر

تالي مدري اشصار بالدنيه وجره...ولن أبو فاضل طريح أعله الثره
من وگع صرت آنه موش امخدره...وخدري بالرايه انطوه يم النهر

وبس وگع عباس یم المشرعه...لن أبو اليمه المواضي اتگطعه
وفجع گلب امي الزچیه ابمصرعه...اوالدي الكرار دلاله انفطر