زینب نادتك يا بطل يمچنه...ردلنه يبو النوماس ردلنه

دمع الهاشميه يسيل وسفه و حیف...وانته تسلمت من اید ابوك السيف
گوم اسمع شمر يصرخ يزينب طيف...يرجعلچ اخوچ وياخذچ منه

گوم اسمع شمر يا مردم الكلفات...ينشدني بشماته وشگل للشمات
اشوفه بفرحته يگلي چفيلچ مات...وعفت العسكر من ادماه يتحنه

شجاوب شرد اگله منين ابدي امنين...اگله یگوم اخيي وهو بلا چفين
اشلون أيشوف اخيته والسهم بالعين...وما اگدر اگله گاطعه الظنه

دگلي الراي شنهي يا عجيد الراي...تدري بالشماته تاني گلبي اهواي
يحاچيني ويأشر خويه صوب الماي...امامن ما تجي يابو الفضل چنه

وآنه متانيه جيتك و گلت يعود...اخويه ما تعوگه چفوف عنده زنود
اخويه ما تهمه ضربت العامود...اخويه بذكره طير السمه يتغنه

لچن ما بینت یابه الفضل يا حيد...وخليت العده دگو طبول العيد
شمر يصرخ يزینب جسم اخوچ بعید...اجه دور اليسر والدمعه والونه