الآن أنكسر ظهري
زینب تگل لحسين...خبرني عن عباس...یا خويه
يگلها بدموع العين...گوّض أبو النوماس...یا خويه
من اگصدت یاخويه صوب النهر...ارد الگه ابو النوماس راعي الفخر
ومن گرّبت للماي گلبي انفطر...وعرفته مصيوب بسهام القدر
ودارت عليه الخيل...ومتشمته الأشرار...یا خويه
عالغبره طاح الحيل...وما ادري شنهي الصار...يا خويه
ناديت يالعالنهر جفنك غفه...زینب شگللها وعدوها اشتفه
یا خويه يالراضع حليب الوفه...حاچيني لو اشكيك للمصطفى
یا زینب ولن صوت...ناداني يا مظلوم...یا خويه
خله الگلب مفتوت...ومستبشر تله الگوم...یا خويه
من اسمعت هالصوت حيلي انهدم...وعرفته صوت النشمي راعي الشيم
ولمن لگيته ابكتره شفت العلم...و چفوفه یمه وراس اخوچ انهشم
گمت ألطم اعلى الراس...واصرخ ينور العين...يا خويه
حاچيني يا عباس...عگبك اروحن وين...يا خويه
صاحت الحره شلون اخويه انغدر...يا ريت راسي بدال راسه انطبر
يحسين مو گطّع دليلي الخبر...گلها یزینب وآنه ظهري انكسر
وناديته يا وفاي...سکنه تره تتناك...يا خويه
ما ردنه منك ماي...وانهض وشيل الواك...يا خويه
فوگه اوگعت وضلوعي كلها انحنن...ودموعي سالت وي دماهي الجرن
وناديته دوهني يخويه الزمن...بالعمر شلي خلافك وبالمحن
عباس يالوفيت...البچي وانوح عليك...يا خويه
وروحك لأجلي انطيت...الزهره لتوافيك...يا خويه
يازينب سيوف الغدر مشرعه...من شافوا چفوف الأخو امگطعه
عباس هد حيلي تره بمصرعه...عباس درعي وخيمتي الواسعه
عباس اخويه لچان...سد الألوذن بيه...يا خويه
لجلي گضه عطشان...والمرتضى ليرويه...يا خويه
