النزلات..........
إركب بنفسي أنت
بس خوت گمر هاشم صدگ خوه...وسلطان الوفه والغيره بس هوه
هم شفتو اخو ما يشرب اميه...ويلتذ بالعطش من اجل یا نیه
من اجل الأخوه وهمه بس هيه...وبلذة الخوه چان یتروه
محد يدري ليش انطاهن اچفوفه...مو قصة جيوش وشام والكوفه
راد يموت حتى حسين ميعوفه...میشم الهوه وحسين ما هوه
وحتى السهم من خلاه يصل للعين...حتى لو بگه میشوف بعد حسين
مثل هایه الأخوه وين صارت وین...ومثل عباس يا هوه الذي سوه
یا هوه الذي سوه ومنو واسه...بدنگ للعمود وينهشم راسه
گبل حسین راید تخمد انفاسه...حتى ما يضل بفراگه يتچوه
وايا فرحته من طاح فوگ الگاع...ابد ما لاج ابد ما ون ابد ما لاع
يدري حسين اخيه يعتنيله ابساع...وهوه لأجل هاي الجيه يتلوه
واجاه حسین اخوه بآخر الأنفاس...عاین سهم عينه وضربته اعله الراس
صاح اكسرت ظهري خويه يا عباس...وبچه الكون هذا الصوت من دوه
وصل صوته العرش والعرش صاح وياه...حگه حسین یم عباس من ينعاه
اخو ونعم الأخو وهنياله من خاواه...توه انطه حياته للأخو توه
