الفصل الثاني: النزلات..........
ليل وخيل
اجيت انشد ابو اليمه بدمع هامي...عين الماي انته وتنذبح ضامي
هذا الصوت صوت الطاهره الزهره...اجت تنشد ابنها وعينها تنظره
صدگ عطشان مات وما شرب گطره...وتنادي حسين يبني الهيج آلامي
حوض الكوثر لجدك يضي عيناي...والرواي ابوك المرتضى الرواي
وانته تموت ظامي وما تضوگ الماي...شنهي الماي ويحرموك يا دامي
أمك هاي الك دمعاتها تصبها...لا تكسر گلبها ولا تخيبها
یا شمامة امك گوم جاوبها...متسمعها تنادي اسودت ايامي
كلشي ابهالوجود مطوع بأمرك...وما خافي على الكل بالسبط گدرك
اشلون الخيل تالي تهشم بصدرك...هذا انته صدگ مرضوض جدامي
يالدم الرسول المصطفى دمك...كل الكون يخشع لو يمر اسمك
یا رجس الجسر گلي اوصل يمك...آيحسين يومك بدد احلامي
بدد كل حلم عندي عظم يومك...يالسلبوا الهادي بسلبة اهدومك
جدك عالثره نایم مثل نومك...وآنه ابچي عليك وترجف اعضامي
ولن زینب الحره تصيح لا تبچين...مو عطشان يمه مات اخوي حسين
يمه شگد بچیت وشرب ماي العين...وبس ردته يضل خيمه على ايتامي
يمه وما بگه وخلاني محتاره...والمظلوم یگصد صاحب الشاره
گصدت المرتضى ودموعي تتجاره...اجاني الليل بویه وحرگوا اخيامي
نادت فاطمه حيره وحگ جدچ...انتي الكون كله لايذ بسدچ
تالي امحيره بطف كربله وحدچ...ولا واحد اجه وعن خدرچ محامي
