حسين حسين حسين حسين
حسين حسين حسين حسين

يلوموني لون أبچي على امصابك...وميدرون الزچيه تبچي لصوابك
وتمنت بيها المثلث ولا صابك...وتدگ فوگ الوجن لو لطمت أحبابك

يبو اليمه ينور عيوني يا غالي...كتبت اسمك على ضلوعي على دلالي
لچن لاچمني جرح وغير احوالي...بعيده گبتك وانظرهه بخيالي

و گفت بحيرتي ودموعي عالخدين...وصحتلك سيدي وروحي وينور العين
اريدن دفنتي بصحنك حبيبي حسين...یا محله العمر يمك ومحله البين

وحگ عمرك يبو اليمه وحگ عمرك...نفذ صبري يبن حيدر وحگ صبرك
شوکت أرجع واگابل سیدی گبرك...واريد انحب عله الفگده کسر۔ ظهرك

وروحن للنهر وعيوني همایه...اريد اخلط دموعي التجري وي مایه
واريد انشد عله الجود وعله الرايه...وصيحن يا غيور انداست الثایه

يبو اليمه جزع حته الصبر منه...لعد گبرك شوکت مشايه نتعنه
ونطوف اعله الصحن والدنيه متلمنه...ونداوي بتربتك جرح اللي لاچمنه