النزلات..........
سؤال رُباتِ الدلال
صدگ خويه طلعتي من اخيامچ...وانتي تدرين ابشمر گدامچ
اشلون یا زینب طلعتي من الخيام...وطولچ يشوفونه اولاد الحرام
اشلون بالنسوان بعدچ والأيتام...ما يحسون بخطر ما دامچ
تگله خویه حسين حرگوها الخيم...وفرت اعله وجوها كل الحرم
وينكم يهل الوفه ويهل الرحم...أنته مو گتلي گمر يبرالچ
الگمر غاب وعافني بليه ضوه...وهوه الریه گبالي عالغبره هوه
الشمس ويه الگمر طاحن سوه...وراح يا زينب بعد کفالچ
سالت دموع الحسين على الرمال...وجذب حسرات أعله ربّات الدلال
وضل يعاین عالثره نومه الرجال...منو یگدر ينغر اعله حوالچ
ما بگه والي ولا ضلچ حمه...بگیتي وحدچ مثل امچ فاطمه
رجعي لأيتامچ اللوعها الضمه...بشوفتچ یا خويه تروه ایتامچ
حيرتي چبيره وفلا صارت تره...اشلون اردن واني اشوفك عالثره
اشلون اضلن والأيتام امطشره...گلها زينب حالي مثل احوالچ
های سکنه ليش تركض حافيه...من ثلث تیام ابد مو غافيه
العطش ما خله عدهن عافيه...والعطش يا زينب اشخلالچ
راح اروح اجمع يتاماك وارد...وعيني من يمهم عله جسمك تصد
بلچن ألگه اميه وتبرد الچبد...عِلّه يا خويه العطش سوالچ
