زینب اجت لحسينها...گبره تشوفه ابعينها

دفنواخوها وعانت...بالكوفه زینب چانت
لزيارته اشگد تانت...مشتاگه وميسرينها

مشوها درب اشطوله...اگبال البشر محموله
ما بين ذوله وذوله...زینب یزید اونينها

بت حيدر المعروفه...من بعد شام وكوفه
گبر الحسين اتشوفه...گضت وياه اسنينها

زینب بگت مشتاگه...وما تگدر اعله افراگه
بچت وياها الناگه...وبچت اللي سابينها

للشام من اخذوها...متحيره ومشدوها
والناس شينشدوها...وين اخوتج جا وينها

منها الدمع يتجاره...ما تدري شنهي الچاره
شتجاوب المحتاره...واهل الغدر والينها

عدها عتاب اهوايه...ويه الفرات ومایه
ويه الگمر والرايه...واخوتها لمخلينها

ويه الحسین اعتابها...وي کربله واترابها
چم سوط زينب صابها...تعتب على الناسينها

هاليوم صعبه الحاله...اتزور الحسين اعياله
يلفون يمه اطفاله...ایتام الله ايعينها

ويمه تجي المأسوره...زینب اليوم اتزوره
یا بت علي ماجوره...والحزن بينه وبينها

من اندفن مو يمه...للگبر کون تشمه
بالگبر ريحة امه...وريحة فخر کونینها

وزينب تريد اتگله...من بعد اسر وذله
متعیش اختك إله...ترجعون يمبچینها