في بكاء الزهراء على الرسول (ص)
وياك وياك...خذني القبر وياك
بويه صعب فرقاك...خذني القبر وياك
ما تدري يمختار صحبك روعوني...غصبوا فدك قوة ومن حقي نفوني
يبويه من الضرب شوف متورمه امتوني
عيشة كدر فرقاك...خذني القبر وياك
شذكر يبو ابراهيم من هضمي وذلي...ضربي وكسر ضلعي لو تسقيط حملي
يبويه من رحت صار بعدك تشتت شملي
يبويه الدهر فتاك...خذني القبر وياك
ما انته الخلفتني ابهالامة وديعة...وبعدك ضاع حقي يبويه اشلون ضيعة
وعدوانك رموني بمذلة وفجيعة
يا عيشه بلياك...خذني القبر وياك
يبويه الصبر کم ذوب ما يحصى مصابي...هالامه اهضموني ولا راعوا جنابي
حملي سقط قوة وحرقوا ابنار بابي
مالزموا وصاياك...خذني القبر وياك
لوناحت الثكلا يبويه اتريد سلوه...وانا سلوتي السوط بمتوني ایتلوی
هالامه جفوني ولا بيهم أمروه
منعوني من ابكاك...خذني القبر وياك
وفوق القبر طاحت تنعى وتجر حسره...تشم تربة الهادي ابلوعه وتهل عبره
اتنادي وقع سوري وعزي راح وطره
يبويه جيت بحماك...خذني القبر وياك
باب القبر من وين يا عزي ودلالي...بنزل وسط قبرك وبشكي لك احوالي
يبويه استوحش البيت والمحراب خالي
يا مخدوم لملاك...خذني القبر وياك
