بالمغتسل يا مصطفى امسجا عسی ابعيد البلا
صب الماي فوقه بهداي ياللي اتريد اتغسله

يمغسل المختار قلبه بالهون...وبهداي صبوا الماي ياللي اتفيضون
قلبي على افراقه ترى هو محزون
فقد احماي...فت احشاي...والجسم مني نحّله

حالة أبو الحسنين والله قشرى...من مدده بالمغتسل بالحسرة
واحنى عليه ايقبله بالزفرة
حن وطاح...فوقه وصاح...وادموع عينه سايله

بالمغتسل مده وقلبه موجوع...واقبل يفيض الماي فوقه ويلوع
ومن الحزن صاح وتحنت لضلوع
بعدك صار...يا مختار...بيت النبوة ابزلزله

واتزلزلت طيبة وصار الصايح...والك يحن ويصيح راح الرايح
بيت النبوة اليوم سوره طايح
وأم حسين...بالكفين...تلطم الهامة معولة

وقعت بليا اشعور فوقه ابهمه...نوب تحب راسه ونوب اتشمه
واتصيح دنیاتي يبوية امظلمة
وبو الحسنين...جراونين...واحنى عليه ايقبله

وأعظم مصيبة على الوصي والزهرا...من غسلوه ونزلوه ابقبره
وظلت الزهرا تندبه بالحسرة
وبالخدين...تهمي العين...واتنوح حوله أمولوله

واتصیح يا حیدر ينور اعيوني...راح الابو وخابت عقيبه اظنوني
وياه بالله ابها القبر دفنوني
يا دفان...عالي الشان...بهداي بالله نزلة