في رثاء الرضا عليه السلام :
یا ضامن الجنه...یا ضامن الجنه
لمصيبتك متزلزل التكوين...یا ضامن الجنة
اتزلزلت طوس وماجت بلنياح...من كل جانب
كلمن تشوفه ايصك راح ابراح...والقلب ذايب
ويصيح واعز تقضى وراح...تحت الترايب
يا وسفه مسموم...يا بحر لعلوم
وعلى مصابك ذاب قلب الدین...یا ضامن الجنه
يهل المروه يا بني عدنان...ثوروا ابدوله
ضامن الجنه ابطوس يا فرسان...سموه غيله
امسجى على افراش المرض وجعان...قوموا انظروا له
منخطف لونه...ويجذب ونينه
والخلق تنعى وتهل دمع العين...يا ضامن الجنه
يولاد هاشم ما دريتوا اشصار...من هالمصيبه
لو يا ضياغم ما لفت لخبار...ليكم ابطيبه
بالسم ولدكم جرعوه امرار...ظلم وغصيبه
المأمون غاله...وضیع احواله
ولمصابه حن وصاح ناعي الدين...یا ضامن الجنه
واما المصيبة وساعة القشرى...من قرب حينه
وابنه لفي له ومدمعه عبری...من ارض المدينه
واحنا عليه وصاح بالحسره...بويه اندهينا
وفوقه تخوصر...والدمع ينثر
وصاح اشها لمصيبه ينور العين...یا ضامن الجنه
يا حجة الله وغاية المقصود...قلي اشهالمصاب
اشمالك على افراش المرض ممدود...في بلدة اجناب
قلبي ترى هو الحالتك ممرود...یا تالي لحباب
بطل ونينك...وافتح لي عينك
من شوفتك قلبي انشطر شطرين...یا ضامن الجنه
عينه فتحها مهجة الزهرا...وبطل ونینه
ولمدللـه ضمه لعند صدره...وهملت اعيونه
وذاك لمدلل ضمه الصدره...وقبّل جبينه
ونادى يسردال...قلي اشها لحوال
بفراشك امسجی تجر اونین...یا ضامن الجنه
قله يبويه ابسم هالعدوان...متفتت احشاي
هالرجس ما راقب من الله وخان...بالعهد وياي
ودعتك الله اكفل يبن عدنان...بعدي يتاماي
وخر فوقه اینوح...ولن فاضت الروح
وارض وسما صاحت من الصوبين...یا ضامن الجنه
