في رثاء الرضا :
طوس ابزلزله وحنه...تنعى ضامن الجنه
بفراش المرض وسفه يلوج...ويجذب الونه
اهله ما دروا ابحاله...المأمون الرجس غاله...ابسمه قطع دلاله
قوم ابعجل شوف ابنك يحيدر...يجذب الونه
يوسفه من قرب حينه...شبح للعيله ابعينه...يودعهم يودعونه
وظل من عظم لوعاته يلوج...ويجذب الونه
وابنه الحلوه اطباعه...لفى ليه ابفرد ساعه...وشافه ايعالج انزاعه
فوقه وقع وادموعه تهل...ويجذب الونه
توعی مهجة الزهرا...آه يا ساعة القشرى...شافه وضمه ابصدره
وظل هذا يشم هذا ابحسره...ويجذب الونه
ابصدره ضمه ابلوعه...يودعه وتهمي ادموعه...وعلى ابنه اتحنت اضلوعه
وغمض عينه يوسفه ومات وابنه...يجذب الونه
مات وفارقت روحه...مهجته ابسم مجروحه...وصارت طوس في صيحه
كلمن يلطم الهامه عليه...ويجذب الونه
مدري ابنه اشجری ابحاله...من للمغتسل شاله...يبكي ومندهش باله
جن اتصوره ابعيني يلوج...ويجذب الونه
مده وبالقلب جواي...فوق المغتسل بهداي...وظل فوقه يفيض الماي
وشق من الحزن جيبه عليه...ويجذب الونه
صاح ومدمعه جاري...وقلبه من الوجد واري...يبويه أوداعة الباري
وسجى له على افراشه ابلوعه...ويجذب الونه
