في شان على ابن جعفر والجواد
يا ضنوة الهادي النبي نور المدينة...اشها لماتم اللي آمرت به ينصبونه
يا فخر طيبه وحجة الله على العالم...ويا سيد الكونين يا بدر الهواشم
ايقولون يبني آمرت ننصب الماتم...حن وجذب ونه وجرت بالدمع عينه
وقله يعمي يا بقية آل لطهار...تدري الدهر شانه بهل هالبيت غدار
ما مر يوم الا سقاهم كاس لمرار...وفي ابيوتهم كل يوم ماتم ينصبونه
قله صدق يبني مصايبهم جليله...ما تنحصى وامصابهم ما من مثيله
بالامس لعدا اتكسر اضلوع البتوله...واجنينها بالباب قوة ايسقطونه
مدري اشننسی يا ضيا عيني من امصاب...قود الوصي بحبال لو ضربة المحراب
لو سم جعده اللي ترك قلب الحسن ذاب...لو يوم عن قبر الرسول ايشردونه
کیف القلب يسلى وتكف امدامع العين...وينسى مصاب الغاضرية وذبحة حسين
واحريمنا وتشهيرها فوق البعارين...لو زین لعباد على ناقه امقيدينه
وهذا قضى منا ابسم او ذاك مذبوح...وهذا بقى ابسجنه لحتى راحت الروح
وبالامس جدك في جسر بغداد مطروح...بقيوده امسجا ابعباته لافينه
واشلون يا مهجة الهادي يا شفية...آمرت يبني اليوم ننصب للعزیه
قلي يبعد اهلي اشعندك من رزيه...تبدي النشيج ولونك اتغير علينا
اتحسر وقلبه ملتهب من نار لهموم...وقلة يعمي النا مصاب اتجدد اليوم
في طوس ابويه قطعوا قلبه بلسموم...من غير سايه قوم لعدا سامینه
