وقال في سؤال فاطمة المعصومة للامام الجواد
يبني دخبرني ولا تخفي عليه...من طوس ماجت لك اخبار ابها العشيه
يا صفوة الباري وفخر مكة وطيبه...لا ایکون اخويه ابطوس حلت به امصيبه
سافروا شوف ابسفرته طول الغيبه...لا ایکون اخويه صابته احتوف المنيه
جسمي انتحل يا مهجتي واندهش بالي...كلما نظرت ابيوتنا منه خوالي
ومن طلعته ماشوف منه خبر جالي...وبعده يبويه البيت مستوحش عليه
قلها يعمه هيدي ساعة من ابكاك...كبدي تری ذابت يمحزونه من انعاك
خوك الرضا سافر وخلاني وخلاك...واضحت من انواره منازلنا خلیه
صبري يعمه بلكت اخباره تجينا...وطلبي من الله ایعود ابويه للمدينة
ويلتم شملنا وتزهر الدنيا علينا...واتصير بعد الكدر عيشتنا هنيه
نادت ومنها الدمع فوق الخد نثار...لا اتلومني لو هاج حزني يبن لطهار
تدري الدهر شانه بهل هالبيت غدار...وخوفي انا يا باقي البقية ايخون بيه
يبني انا لو زاد حزني وهملت العين...اذكر اشسوى ابعزوتي وبأهلي البين
في كله بلده صاح بيهم صایح البين...واتشتتوا وابيوتهم ظلت خلية
خان الدهر بيهم وصابتهم اسهامه...وما حد طلع منهم وعود بالسلامة
وما ظلت الا احريم واطفال يتاما...في ابيوتهم لمصابهم نصبت عزيه
