وقال في مخاطبة الحسين والعباس
عباس يا ضنوة علي الفارس الموصوف...ضاقت يخويه بالعساکر ارض لطفوف
هالعسكر الداير عن اشمالي ويميني...من دونكم كلهم يخويه يطلبوني
روحوا بسلامتكم يخويه واتركوني...بين العدا وحدي أكافح ضرب لسيوف
قله البطل عباس با حلو الشهامه...عنك يخويه امحال نرجع بالسلامه
تعرف اخوانك كلهم احيود ونشاما...لشرب يبو السجاد دونك كاس لحتوف
يا سورنا العالي ويضنوة حامي الجار...دونك لخوض الموت واشرب كاس لمرار
وانا الذخيرة من علي لجلك يمغوار...لطحن جماجمهم وفلل كل لصفوف
واحيات ابويه المرتضا سيد الكونين...والله لرد احروب حيدر يوم صفين
واجعل اليمنى ميسره والميسره ايمين...ولو طحت فوق المشرعه مقطوع لكفوف
وزينب من الخيمه اطلعت والدمع هماي...اتنادي حجيكم يا اخوانی ذوب احشاي
يحسين لو رحتوا عقبكم وين ملفاي...قلبي ابحجيكم يخوتي طاير من الخوف
وطاحت على العباس منها القلب لهفان...اتقله طلعت ابذمتك خويه من لوطان
وهذا اخوك حسين حاطت به العدوان...وهذي اجيوش ابن الدعيه حولنا اعكوف
هذا العلم قدامها راعي الحميه...وقلها يزينب لا تخافي يا زکيه
ما دام انا سالم وكفيني ابيديه...لحميك يازينب وانا الفارس الموصوف
