طاح الحمل طاح يزينب بالشريعة
والبيرق اتكسر عقب شياله...يزينب بالشريعة

راح الأخوية خدره وعزمي راح...وانعدم صبري
واعمود صيواني يمحزونه طاح...وانكسر ظهري
وابقيت بس حایر اصك راح...ابراح والقلب مبري
وانهد رکني من نظرت أحواله...يزينب بالشريعة

هلت مدامع عينها بالخدين...والقلب ممرود
وصاحت يخويه اشلون شفته يحسين...بالترب ممدود
قلها يزينب شفت راسه نصفين...من ضربة اعمود
وانقطعت ایمين الاخو واشماله...يزينب بالشريعه

شحجي يزينب واذكر من أوصافه...شوفه بهضني
حتى عدوه ينشعب لو شافه...وحاله شعبني
شفته يخيه مخه على اكتافه...وانهد رکني
وناشب ابعينه السهم واوذا حاله...يزينب بالشريعه

صاحت وقع سوري المنيع العالي...يا قرة العين
والكافي الله لو رحت يالوالي...وين التجي وین
فيها عضيدي راح وانا التالي...اتفقدين لثنين
اتشوفيني عاري وبوالفضل برماله...يزينب الشريعه

ساعه عقب ساعه تشوفي الصيوان...خالي من لحباب
وما يظل الكم بس عليل أو جعان...يختی ابها الأطناب
ويعينك الله لو ولوك العدوان...صبري على لمصاب
واللي مشيتي ابذمته واظلاله...يزينب بالشريعه