بيت الرسول اتزلزلت اركانه...وصار ابعزيه
من لفوا السجاد وسط اكفانه...باقي البقيه

صارت صوايح والسكك مسدوده...من كثرة الناس
كلمن ينوح وعبرته بخدوده...ويلطم على الراس
وابنه مزق جيبه ابكبد ممروده...ويصعد انفاس
وشبت ابوسط القلب نار احزانه...ابعبره جريه

وساعة القشرى على بنات الزهرا...من شال نعشه
وظلت عقب عينه المنازل قفرى...وصارت اموحشه
وطلعت خواته صارخات ابحسره...وصارت ابدهشه
وخلف النعش تتعثر او ولهانه...سكنه الزكيه

واتصيح يا شايل نعش والينا...حلو الشهامه
ريضوا اتودعه نسوته وابنينه...وكل اليتامه
وخلوا على قبره يالذي اتدفنونه...ليه علامه
بنصب عليه النوح يا دفانه...صبح ومسيه

وصاحت يتالي عزوتي وخلاني...ذيك الحموله
ودعتك الله يا بقايا اخواني...المامش بداله
لحد يعز قوض او خلاني...بعده ذليله
فقده نحل جسمي وهد اركانه...العظم الرزيه

نال العدو قصده وحصل ثاره...يشبول غالب
كل يوم كوكب يخسفون انواره...تحت الترايب
ومن نذكر امصاب السبط وانصاره...ننسى المصايب
مذبوح ويا عزوته وشبانه...في الغاضريه