یا شيعة الكرّار باب الجنّه...في الغاضريّه
واللي يريد ادخولها يتعنّی...للغاضريّه
ياللي تريد اجوار طه المرسل
اقصد الوادي كَربلا وتوسَّل
بللّي بقي فوق الثَّرى يتوسل
شمر الرجس الماي امنّه...بالغاضريّه
ياللي تريد الفوز يوم المحشر
وجوار طه أو تِرتوي امنِ الكوثر
للغاضريّه روح لا تِتحَيَّر
فاز الذي راح أو قصد وتعَنّی...للغاضريّه
في الحال من توصل ضريحه لِزمَه
وصرخ ابصوتك يا سراج الظُّلمه
ياللي شريت اذنوب كلّ الأمّه
ذَنبي عظيم أو جيت خايف منّه...للغاضريّه
لَجلِ الزياره جيت يبن الزهرا
اشكي من اذنوبي لأنّها كَثرا
لازم يجيب ابنِ النّبي من نَحرَه
يا مرحبا باللي إليه اتعنّی...للغاضريّه
یا شيعتي إلى کربلا اتقصدوني
وسط المآتم دایم اتندبوني
ليمَن شربتوا الماي ما تِنسوني
تدرون قلبي العطش ذايب منّه...في الغاضريّه
قلبي تفتّت بالعطش وفّادي
لِضلوع مني اتبدّدت بالوادي
من قبل ذبحي اتذَبـَّحت أولادي
كل واحد حَزّوا کریمه منّه...في الغاضريّه
ومخدَّراتي أو عِيلتي سَلّبوها
وخيامهم عقب السَّلب حَرّقوها
فوق المطايا اميَسَّرَه ودّوها
وَانَه على الرَّمضا اجِرّ الوَنّه...بالغاضريه