حيف يا من للنبي ريحانه...بيك يتنومس نغل مرجانه

يمن للهادي النبي يحسين روح...الامّته خلّفك بيها فلك نوح
اصبحت بيناتها راسك يلوح...دار بيه اسنان فوگ اسنانه

يمن للهادي يبو اليمّه نفس...اومعجزاتك كل فرد منها شمس
يِنهِدِي راسك لابن هند الرجس...اويدخل اعيالك علی دیوانه

يمن للهادي يبو الشيمه چبد...اویمن بابنه افداك هل مثلك يجد
اوتنحرم يحسين من عذب الورد...ياسليل الكوثر اوجريانه

يمن للهادي يبو اليمّه گلب...ايطب عليه الفرح لـمّن ليه تطب
بحر چفّك يبن چشّاف الكرب...چیف واطفالك گضت عطشانه

يمن للهادي سلوته اوعبرته...اوفرحته الدنياه لاچن حسرته
يدري يبنه بيك تغدر امّته...بالطفوف اوتنذح شبّانه

سبح يراچب فوگ جيده من تسج...مثل طي السّجل من تطوي الفج
طل على طيبه الفجر واصرخ اوعج...عجّه توعي الدارس البچفانه

يا آل هاشم يال غالب یانزار...سارعوا يكرام ينخاكم الثار
يالعلي والله يحمّایت الجار...مالكم عزكم ذهب سلطانه

اوتخلّون الواسعه اسميّه اوسمه...ياهلي طوفان نوح امن الدمه
ما دريتوا احسينكم وامخيّمه...بيها شبّت نارهم عدوانه

آه من حرگوا صواوينه النذال...چالگطه هامت امن الخوف العيال
اوغدت بين الخيل تتهاوه الاطفال...مثل مهوه الورگ من اغصانه

یارسول الله العلى صدرك رُبه...احسين وهوه خامس اصحاب العبه
شيبته ابدم الوريد امخضبّه...اوسلّبوه اوجثّته عريانه

اویمن ببهامك رضع حتّه انفطم...سيّدي اومن عظمك اجبرله عظم
حلّلوا دمّه العده ابشهر الحرم...اوهوّه من شانك يجدّه شانه

بالمهد ياذيك ياجدّه بچاه...ریت حاضر كربله اوعينك تراه
من بگه وحده اوعليه حاطت اعداه...غير سيفه ما وجد عوّانه

بيك يتچنّه اوعلى الخيل...يكر كرة اللّيث ابوحامي الدخيل
لان اجروحه ابحمر دمّه تسيل...والعطش يبّس يجدّه السانه