[ موشح خطاب للحادي ]
ریح ياحادي الهجن بهيامها...للحريم الوالهه اوليتامها
هون المسرّه اوسامح بالمجد...اومن تسوگ النوگ ياحادي ابرهد
يسر مسبيّه اوواليها انفگد...واليسر واجب يحادي اكرامها
مایحادي اتشوفهن فوگ الهجن...اگلوب مرهوبه اومدامع چالمزن
اومن تحن اطفالها اوهيه تون...تحن اعليها العده اوإسلامها
اوما يمن مهواك يالحادي النار...تدري من فوگ الهجن واعلى الكوار
ابنات من بحماه الاسلام استجار...حما الملّه اونصر شرع اسلامها
تدري يالحادي اشجنيت امن الذنب...ابجدّك الهادي النسه الفوگ الجتب
حرم ما والله اتعرف غير الحجب...والخدور الخافيتهه اخيامها
دونك ارحم حالهن ياهالدليل...اولا تحث النوگ حين تسير حيل
اوچن يحادي بالظعن لوما الليل...بلچن ایمر عالاطفال امنامها
اومن يحادي الشوم بالهزل تصيح...تهج اومن ظهورها الرضّع تطيح
والشمس من تضرم الضعنك دريح...اوشبل من يبرد لهيب اظرامها
اوبي يحادي الشوم گلبك صخر صم...بي مايلتگه ذرّه امن الرحم
فوگ هجنك ركبت بعض الحرم...اوبعض من عدها اتعدّي اعله اجدامها
ليه يحادي الشوم وجهك ميخجل...علی ازمولك تفضح ابنات الفحل
روس واليهن يحادي لا تخل...عالرماح ایلوّحن جدامها
اشچان ضركم يابني صخر اوحرب...هالحريم ادموعها دم لو تصب
فوگ لوك اچبودها ابجمر الضرب...ليه تزيدون الحريم اولامها
ما ابهالگوم ظل الهه الحريم...غير مظنّه يضر بحواله النسيم
حلّوا گید الشوم عن هذا النسيم...يكفي روحهه اعذابها واسگامها
ما تركله المرض والذل والهضم...سالم امن الكسر بعظامه عظم
ما تراله الناس من ضعفه جسم...غير بس اخيال بين اجسامها
ينسمع لاچن يحادي من يون...اوماتراله الناس من في حوّچن
دونك الضم جسم ابو الباقر يمن...للسّلوچ ابأبرتك لظّامها
لون مايكود الوصي غاصب فدك...مايبو الباقر الحادي گيّدك
تدري ياهو الظلم زينب والهتك...الضام كلب امهه الزينب ضامها
اومن يشوف الحرم سكنه والرباب...زینب اوچلثوم منها الگلب ذاب
اشد ياويلاه ما ناله عذاب...حين دخلوا آل اميّه الشامها
آه امن اگبلت للشام الزمول...اوراچبه اعله اكوارها ابنات الرسول
طلعت اهل الشام تضرب بالطبول...اوناشره للظفر بيض اعلامها
لو تره ابناتك يحيدر يكرار...شابحه اعليهن امن الناس الانظار
عيد ذاك اليوم لهل الشام صار...غير الاعياد التمر بايامها
دخلوا الديوان ابن هند النسه...گومه البعيوبها متنومسه
رخّص الوادم تطب المجلسه...اوخاصها طبّت اعليه اوعامها
