ماشهر عاشور لاح اهلاله...الاّ والعالم تغيّـر حاله

ما على الدنيه الحرم شهره يعود...اوبده اهلاله بالكتايب والبنود
الاّ اوصال العدام اعله الوجود...اوحس ضمير الدهر بضمحلاله

ما على الاسلام هل شهر الحرم...الاّ وعليها الوسن طیبه حرم
ما بگه لله والدنيه حرم...الاّ اوعز ابتدل بذلاله

ما على الاسلام شهر الحرم لاح...الاّ اوبالنحب عجّت والنياح
عالشهيد الروت من دمّه الرماح...اومات ضامي وانفطر دلاّله

ماعلى الاسلام شهر الحرم صار...الاّ ومصاب السبط سجّر النار
ادركت آل الخنه ابهالشهر ثار...من رسول الله اووصيّه اوآله

ما على الاسلام شهر الحرم هل...الاّ اوكل عين مدمعها استهل
عالّذي مظلوم بالطف انچتل...وانهبت ميّه جميع ارحاله

ما على الاسلام شهر الحرم مر...الاّ وتراكم على الكون الكدر
ناحت الدنيه اوشبج زيجه الدهر...والزمان الموت يتراواله

ما على الملّه الحرم شهره غزه...الاّ اوعز عالنبي اوآله العزه
ادرك امن الامّه الهادي الجزه...ردم بيته اوذبح كل اطفاله

ما على الملّه الحرم شهره برز...الاّ ويهالدين رمح الغي ركز
ما يباري اعليك منكوره اوعجز...عدم هالكون اونعود ابداله

لاچن احكامك يكاسر يجبّار...تذهل اهل الراي وتحير الأفكار
رحمتك جنّه اوغضب بطشك النار...يفر وين الما يخطرك باله

وانته بالمرصاد یاباري الوره...ميخفاك اوتسمع الصوت اوتره
هذا ريحانة نبيّك عالثره...جثّته میدان للخيّاله

راسه اوروس اهل بيته اعله السمر...چالنجوم الخافتات اعله البدر
عايلة حيدر علي الهزّل يسر...ریت حيدرنه يشوف اعياله

تخبط ابنج الفله بيها الهزل...نذل يملكها اويهديها النذل
چالعبيد ابنات من سمِه الرسل...تبتهل لله اوترجه انواله

نادت الحادي ابمدامعها المزن...زینب المنها انفطر گلب الحزن
هلّة الهلّه ابهالمظنّه اليون...حل عقد گیده اورخه غلاله

مادعاها الظيم والذل والهظم...والمصايب والنوايب والسگم
شخص لاح ابعين لوشوفة جسم...غير ون يسمع من اخياله

سروا بي من كربله حزب الاصنام...لرض كوفان اولعد ديرة الشام
ما تكلّم وانسمع منّه كلام...بالملامه والجزع وامثاله

حتّه امن الشام طلعتله النذال...تنگ بدفوف النسه العيد الرجال
ضاگ صدره اوجزع من دنيا اوگال...ریت امّي ما الشخصي اتراله

اوصاح واذِلاّه اوعبراته اتهلي...وين گومي واخوتي اوفُرّس هلي
اولا عجيد اصياح منها ايعود الي...يسل سيفه اعله العده اوعسّاله

والدمشقيّه اتسبني والنبي...جدّي الكرّار داحي الباب أبي
والخطب اعلن ابشتمي الناصبي...اولا نجيب اوماجد الينهاله