[ موشح لسان حال بني هاشم برحيل سفير الحسين (ع) ]
حلفت الصفوه ابمجدها اوشانها...بعد مسلم ما ترد لوطانها
من لفتها اخبار مسلمها انچتل...نغدر بالكوفه او بالحبال انسحل
هاج بيها الغيض شرعبها الزعل...اوغدت تتلوّن ألوان ألوانها
گال حامل عود رايتها النفل...صاحب الرايه اویمن گوله فعل
لا يهمكم يخوتي مسلم عدل...بالگلوب اوللعيون انسانها
اولا فخرنه يخوتي النه فخر...دون ما طوفان نغديها حمر
الحميّه الحال دين الها انغدر...واحنه لرواح الحميّه ابدانها
اولا مجدنه يخوتي النه مجد...دون ما نروي القبايل ما نرد
نغل مرجانه وابن هند العبد...راس مسلم مطرح ابديوانها
اولا شرفنه يخوتي النه شرف...دون ما عالعدم نجدم والتلف
اوما على اليتزيّن ابدمّه وسف...اچفوف مسلمكم نجيعه زانها
ناده ابو اليمّه اودمع عينه سجم...ياظناي اويخوتي اويابني العم
اويا أصحابي الطيبين أهل الشيم...شبّت الدنيه عَلَي نيرانها
اوما الها الدنيه صناديد العرب...ایحلق وفرتها او گطع منها العصب
بس ابوي الفحل لاچنّه انضرب...فوگ راسه ابسيف چف شيطانها
وانتو يالسبعين والعشره اوسبع...ماعليكم حرج منّي اولا منع
اوداعت المعبود مدّوا يالربع...صحبتي الفتنه انعبت غربانها
اوسكت واصحابه واهل بيته حضور...لان الفكره فلك بيهم يدور
گام ابوفاضل الضيغم والغيور...شمس غالبها او گمر عدنانها
يابحر ناداه يالما ينخطر...پسر اسم الله الّذي ما ينحرز
لي يبو السجاد منّه تعتذر...اونحب وعيونه ابذلت جروانها
عدنه غيرك سور يحمانه اتحسب...اوغيرنه عندك يبو اليمّه چذب
لا اوكسر أمّك اوحگها المنغصب...ما نعوفك يبن ليث اكوانها
سكت لاچن گام من بعده هلال...میمر السبعين وتحسّر اوگال
تعتذر منّه يبن فحل الرجال...اشبان لصحابك ذنب ما بانها
مَن علينه الله اولله الشكر...بيك ندرك غاية العز والذچر
من نرد عنّك ابديوان الحشر...اسنعتذر من سيّدة نسوانها
اوسكت لاچن گام ابن سر هل أته...احسينها اوعوّد النوب الخطبته
صاح وين اولاد مسلم واخوته...اوسالت اعيونه اوحزن لحزانها
يا اعيون اشبول غالب يالنسور...خذت منكم عين الگلاده التنور
ما عليكم بعد ما منكم اقصور...اوداعة الله گوّضوا يعيانها
اوسكت لاچن زاد بخشاه الوجد...والعيون اعليه امن اصحابه تصد
گام من بيناتها المسلم ولد...اسنان ما دون اخوته والسانها
بچه اوحب لحسين چف اوشم جدم...اوصاح لحّد يلعلي والله يعم
للوجود انته الجبتنه امن العدم...چي تردنه العدم گوم اوطانها
چي نخل عنّك يسلوان الشفيع...نجد مثلك گمر بالظلمه اوربيع
من علينه ابوصلك اوعگبك نضيع...وانته دوحتنه اوأحنه اغصانها
