[ الكوفه وما ادراك ما الكوفه ]
ما يوم مر لي ابثره الكوفه جدم...الاّ اوعلی مسلم سچب دمعي دم
ونخطفت الواني او گلبي انشعب...والحزن حدر الضلع وادي التهب
اوصار الدمع وردي اوغذاي النحب...والنوم حاربته اوعنّي انهزم
نادت الورگه التون فوگ الغصن...ونّك شجاني اونشب چبدي الحزن
هلّك تعلّمني شبيهك اون...ما طلبت التعليم لوله اتعلم
وتحسب بت الدُوح ون الرهب...عاده مثل ونهه اونغايم طرب
هيهات لو تطلّع ما بالگلب...عادت الوچر امها ضريبة لحم
لاچنها وحشيّه اوربيبت جنح...ونها سجيّه دون مدمع يسح
ينضرب بيها المثل لا عن جرح...اوتغريدها الماصوف لا عن ولم
لاچن اللّي ابكدريّة الموحشه...وصفین ون وزعج اوروعة حشه
المصاب من ذچره اعله نفسي غشه...يوم ابن مرجانه المسلم شتم
اسأل اونار احشاشتي اموجّره...من شتم مسلم مضغة العاهره
اسلام چانت بالمحل حاضره...اسلام چانت جاوبوني نعم
ناديت وازداد ابحشاي القهر...ياعجب ماواحد المسلم نغر
جاوبني ما بين الأعيان الخبر...ماعذر مسلم غير من بي سلم
اضحه يسولفلي اودمعي ايهتف...بایعوا مسلم بالعهد والحلف
وأتمّت ابفرضه اثنعشر الف...وقتٍ اوبالثاني الغربته استلم
ما جاره واحد من جميع الوره...الاّ سوه حرّه اونفس طاهره
جابته اجدامه الدارها اوما دره...لاوین یسري بي گلوص الجدم
واچب ابعتبة بابها شافته...خيّلت منّه اوبالومي نادته
جاوبها ضامي جادت اوروّته...هيهات يروه من ضماه الهظم
ظل واجف الماجد حليف الفخر...شبه المصبّر بس يدير النظر
مفرد اودنيا والعده والدهر...جرّت اوگایدها عليه الصم
نادته احچيلي يانفل بالسبب...الله عليك النه يهذا انتسب
من ياعشيره اويانسب ياحسب...جاوبها من هاشم اودمعه سجم
الناس خانتنه اوبينه اغدرت...وهجرت عز دين النبي وكفرت
باعت ولايتنه الدر وشترت...طاعة بني سفيان وهيه الفح
هلّچ تجيرني يحرة النسه...هاذي العشيّه اوماسوه هالمسه
اوأرجوا من الباري اولعلّه اوعسه...اجزیچ ان ساعد ابنصري الحكم
من عرفته مسلم دمعها انحدر...حنّت اوخاطرها عليه انكسر
نادته ابعمري وبجميع البشر...افديك اجدم حين ليها جدم
عرضت عليه زاد المسه وشربه...عيّت تقبله نفسه الطيّبه
جارته لاچن ابأشر نایبه...اوما ظنّت اظناها اعله مسلم ينم
حين الگضه اللّيل اعله مسلم قهر...لاچن ابدمّه اودم عداه انفجر
اگبلت ترعد مثل موج البحر...خیل اورجال اوحزم تتبع حزم
حاطت ابدار البيها مسلم نزل...حوطت الفاعات اعله روح الاثل
هاج اعله جيمان النذال الفحل...چاللّيث لو هاج اعله سرب البهم
ياتره اسرافيل الحرب ساعده...والصور لاچن ومضة امهنّده
برّگ اظهور الرمك راوه العده...ظهر النهار ابروج شهب النجم
من صرخ بالخيل اولمض مرهفه...ظنّت الدنيه حانت الراجفه
مثل الوصي الكرّار للمصطفه...لحسين مسلم كفو اوكل النعم
ذكّر الكوفه اومن بيها نزل...حملات عمّه الفحل يوم الجمل
حتّه اومتله ام العله البلحمل...حاز الشهاده اومن بصرها ابتسم
اومتله اجدم بالجمود الشگر...لاچن هيه الفاعات نبع السمر
وسفرت وجناها التشع چالبدر...لاچن هيه البيض المواضي الخذم
وشغلت فكره ابزينها والحسن...وتناولت روحه ابشعاع الوجن
دارت عليه اعداه دور الجفن...اوطاح ابشركها اوحان منّه الحتم
