اهل العراگ اونجدها اوكل ربيعتها اومضر...جرت اعله احسين چنها اسيول صبّت من مطر

حين ابو السجّاد عاین كثرت اسراب الخيول...سدّت ابطون البوادي اجموعها المثل السيول
ركب راحلته اوتوجّه للجمع سبط الرسول...اوحفّته اشبول الغوالب چالكواكب بالگمر

حتّه اتوسّط جمعها احسين ابن موت الجموع...اوشبحت اعيون الضياغم ليه ملابيس الدروع
لاچن اتكاثر هضلها اوويدها اتحسبه يروع...امحال ريش الطير يصدع بالحديد اوبالصخر

ناده بیهم ثلاث مرّات اوعيّوا يسمعوه...حتّه صاح ابصوت بيهم صرخة الكرّار ابوه
أخرس السنها اوصغتله اونوّت اعليه الوجوه...اوگام يثني على الباري اويحمد ابمنّه اوشكر

يهل العراگ انعرفكم والنه الكل تعرفون...اوميخفه اعليكم شرفنه لا ومن كوّن الكون
اوما لفينه الاّ ابكتبكم ما الغيري اتبايعون...واشعده اوما بِده اعليكم نكد من يدّي ظهر

انچان نيّتكم اتبدَلت بمر حادث وابسبب...وابعكس ما جاني منكم ندب بسطور الكتب
ما عليكم باس منّي ارد عنكم وانحجب...بالمچان الجيت منّه اولابد الحامي ايعثر

اوعليّه انچان الكم دين وجروح اوچتل...بیّنوا هالدين مريود اوحچي الحگ عدل
لاچن ابأثبات بيّن يوجب اعليه الفصل...والاّ دون اثبات تردون آنه الموت الحمر

والعلي واجب امن الله بيكم ايكون انتهض...واعرض اعليكم احكامه اوبينكم أجري الوعظ
حتّه بالميعاد عذري ينقبل ما ينرفض...اوما يضر الله ابملكه من تجبّر والكفر

وهذا العليّه اعرضتها اعليكم اوهوّه الصحيح...اوما ابهذا الكون غيري لأمّة الهادي نصيح
هاتوا ماعدكم تفاصيل مذم يولا مديح...والمذمّه انتم اهلها واحنه اهل عز اوفخر

جاوبوه يحسين منّك مايبو اليمّه نريد...غير امرين اونفعهن الك والذاتك يفيد
وهيه لابن ازیاد تسلم بيعه وتسالم يزيد...والاّ ما يحسين عنّك نعف لو تفنه البشر

من سمع مگصودها الناس الوثنه المجرمه...نحب واسترجع اودمعه فوگ وجناته همه
گال يردوني ابايع وانه ابن حامي الحمه...لا وحگ ذمّة الاسلام اوياحي الگدر

چیف ترضالي الحميّه اوباسها اوعزم الشديد...اذل يو عالضيم اسانف والوي لأهل الغدر جيد
اگرب الها الموت منهاي اليردونه بعيد...لاچن اتوسّف على الناس المثواها سقر