موقف الحرة طالِعَه...قدمت للدين اربعه
لبن الزجية يحمـون...ولام البنين يشهدون

أول حديث انطرحه عن الربه...أم طاهره اتربي بوفه وموهبه
تدري برباها ايصير عز وإبه...بذلت جهود وعاين العاقبه
إلها صحيفه ساطعه...من الزجيه اموقعه
والناس كلهم يدرون...ولام البنين يشهدون
قدمت للدين أربعه

وثاني حديث إنقدمه عالوفه...غذتهم بأحسن ربات الصفه
وبهالحنان أصبحت متكلفه...والقمر كل واحد شهد موقفه
والذي طيب مرضعه...ميهمه ضيم وفاجعه
وللتضحيات ايشوفون...ولام البنين يشهدون
قدمت للدين أربعه

ومن الشجاعه نالت أعظم فخر...وظل يطبع التاريخ إلها صور
اتحقق الغايه وما تبالي الخطر...وعدها الشهاده شرف طول الدهر
النصرة إخوها امجمعه...أربع نجوم اللامعه
بالطف أرواح يضحون...ولام البنين يشهدون
قدمت للدين أربعه

هالأم مثلها وين تلقه بعد...عدها أربعه وكل فرد مثل الأسد
إنطت عهد وأوفت بيوم العهد...والزمن بالطيبات إلها شهد
أم وغذت متبرعه...ويلادها المتصرعه
والأبو اليمه اينصرون...ولام البنين يشهدون
قدمت للدين أربعه

وبهالأربعه واست الطاهره...برغم الذي عافوها متحيره
ومن سمعت امصرعه فوق الثره...ظلت بهمها وعالجره صابره
ورادت تواسي الشافعه...وحيدر اموصي سامعه
واعله العقيده يمشون...ولام البنين يشهدون
قدمت للدين أربعه

ومن سمعت الأم وقع منها القمر...وبعينه من صوبه سهم القدر
ولمن قصد لحسين محني الظهر...شاهد أخوه مطروح فوق النهر
عباس فوق المشرعه...منه الجفوف امقطعه
مني رحت خويه اشلون...ولام البنين يشهدون
قدمت للدين أربعه