نشچي امصابين يا رب يمن ماغيره انعبد...فگد ابو الزهره نبینه او غيبة المهدي الأشد

آه يايوم الغبت بي يلمحيّي اعله الفلاح...ليل من الحزن چنّه او بيه ماطر الصباح
ريت هالعالم وجوده ايعدم وتروح الرواح
اولا يبو ابراهيم تغده...او فگدك اعله الدين شدّه
او مرد ید فرگا الچبده...او عگبك الغي نال گصده
او طاح صيوان المسلمين لمن طاح العمد

لا تشيلونه يالأصحاب عليه العز ينوح...لـمّن اتودّعه الزهره او روحها ويّا تروح
بي شفه المبغض غليله او برت من صدره الجروح
اوردّت أهله جاهليّه...واركنت لأبن الدعيّه
نكرت الگوم الوصيه...وأنغصب حگ الزچيه
وله الحر العبد والشاة گطع چف الاسد

امصاب فگدك يبو ابراهيم يواسع يا ورع...أصل لاچن المصايب بدت من عنده فرع
اثنوا ابغصب الوصيّه بعدك او كسر الضلع
يمن للأسلام هادي...مطّلع ما جره او سادي
بالوديعه امن الاعادي...خلفك اتون او تنادي
يشيّال النعش وانه لـمّن انودعه ابرهد

يا تره الإسلام بعدك خيمه ما بيها عمود...او طوده الشامخ تداعه وأمسه معدوم الوجود
غابت أيّامك التزهي اوياك لهلك ما تعود
او خلفك الدنيه مظلمه...او مدنفه او غبره او مكظمه
لاچن اعداك المجرمه...اعليهم الدنيه منعمه
فارهه ابطيب او عيشهم أمسه رغد

ما يبو ابراهيم بعدك طاب للزهره الطعام...عينها هجرت وسنها ما عليها ايمر منام
على الأسلام التحيّه يلمهذّب والسلام
او عگبك الامّه يطاها...ركنت الغيها او هواها
والغصب حيدر غواها...لون للزهره تراها
امعصّبه الراس او مريضه عيشها الون والنكد

آه يا بدر المغيّب لاچن ابحر الحلم...ما دعه الشرع الرساله مرهف الباطل زلم
حتّه ليمته ابجبينك تجلي دیجور الظلم
او تظهر الجبتين جهره...او تصلب اجتها اعله شجره
او تعتني الحفرة الزهره...تگف وتنادي ابعبره
من كسر بالباب ضلعچ من سگط منچ ولد

جسم النبي يا كرّار لاتشرج اعليه الگبر
حتّه تودعه السبطين وأمهم يويلي ام الكسر
جسم ابن عمّك يحيدر لا تدفنه يبو الشيمه
حتّه اتودعه الوديعه حيث خلاّها يتيمه