[ موشح في المصطفی (ص) وسليلة المنتظر (عج) ]
اشلون ازره الدهر وفرد بینه...اخذ هادينه اوبعد مهدينه
اشلون خلانه ابتهاويل اوظنك...اوياترانه ابكل وكت تحت الدرك
نطلب من الله اونتمنه انهلك...اولا خصمنه ایشوف ذلنه ابعينه
ما الهذا النوح تهوين ايحصل...اليمته بي متگول للوليه نظل
چم زنیم اوزانيه اوطاغي اونغل...يضحك اويومي باصبعه اعلينه
واحنه نتغصّب اونتجرّع المر...اونجذب الحسرات لاچنها جمر
اونسچب العبرات لاچنها حمر...دمه اوندمي اصدورنه بيدينه
لونصفّي اگلوبنه اوما نختلف...اونجلي عنها الدغش والكل نأتلف
اوبالضعيف انريف وعليه انعطف...أخوه والمعسر البينه انعينه
ما ذهب عزنه اوعلينه علا الذل...اوما جلسنه ابغير خيمه اوغير ظل
اوما تبات اچبودنه اعله احراب سل...اونصبح اونار الهظم تصلينه
ما يفيد الوعظ بينه اولا نفع...اوكل طبع منّه على اهواه انطبع
لاچن ارد ابرز يفرسان الجزع...الصبر غايبنه واحشمه الدينه
مالك ابهالدین حاجه اولا گصد...تلف يبن الحسن چي عنّه تصد
تظن غيرك بعد بيه الينظمد...لا وحگ جدّك علي وجنينه
سيّدي سلم الاسلام اوعفه...واندرج بالچفن ويّه المصطفه
والكفر جرّد عليكم مرهفه...اوغده الكل منكم گطع عرنينه
يامصاب المارمح شرّه رماك...سيدي اوما سهم زل گوسه اوخطاك
لا ولاچن حدر ضلعك وبحشاك...جرح يوجد گلبك ابسچيِّنه
ساعد الله مهجتك بيها اشكثر...طعن يبن العسچري ابرمح اوطبر
لاوحگ صبرك فلا تملك صبر...محل سالم حدر ضلعك وينه
گوم ومليها عدل بيدك مثل...ما ملاها اببطُل فرعون النذل
اوصاحبه السامري اومعبوده العجل...وگطع المفتون بيها اوتينه
وأذكر اوذچّر فعلهم للمله...واليواليهم ابسيفك جندله
سيّدي لا ينّسه اوما ينسله...فدك ورث امّك المتولّينه
اوبعده ابوهاعيل نحبه ماگضه...والوصي مامدّده اوماغمّضه
سلّوا اسيوف الغدر عالمرتضه...اوغده الكل منها ايتچنّه ابدينه
آه لوما مخلف الزهره يطيح...ما ابوادي كربله الناعي يصيح
ياطریح اوياجريح اوياذبيح...اوستر زینب ينهتك وسكينه
لون ما يجمع على الباب الحطب...ما ابوادي كربله وجّوا طنب
اذهبت وين الحميّه البالعرب...عبد هبّط روسها بيمينه
