[ رثاء کریم اهل البيت الحسن (ع) ]
ما الدارك يبو امحمّد وفد مطرود الزمان...الاّ وتملّك الدارين مسه ابعز او أمان
يا چريم الما يجازيك ابهالعالم چريم...يا زعيم الدين والاسلام ماغيرك زعيم
بنت الاشعث يا وسافه اختارت اعليك الزنيم...وأشترت منزل النيران ابفردوس الجنان
خسرت الدارين بنت الفاجر الجلف العنيد...ما حظت بالحسن جعده النوب خابت من يزيد
أصبح الفگدك الإسلام يبو امحمّد فجيد...أظلم اليوم او يويلي او لبس ثوب امن الاحزان
افرد امصابك عضيدك للمناحه والونين...او كسر عظم الظهر فگدك يالحسن من الحسين
سلّمت أمر الخلافه للّعين ابن اللّعين...يا وسافه خان عهده اوياك يالمهيوب خان
غده يتّبع محبّيك ابكل دار او وطن...ایفلگ الهامات منها ابمرهفه ولها سجن
اخوتك لـمّن الجّراح لعد فخذك طعن...وين چانت وبو اليمّه احسين عنّك وين چان
ناده ابو السجاد لـمّن عالنعش شاف النبل...يعصف امن اعلوج سفيان او مروان النذل
آه لاون ماوصية الحسن يمنعني الفعل...چان شفتي اعليچ شجره يالمفتنه اويمروان
يا بني هاشم تنادي الخاينه وأم الفتن...بيتي ما أرضه تدخلون عليه نعش الحسن
صارت أبده بالرسول امن الحسن بنت الوثن...والأمر بالسيف ماضي لا ابتلويح اللّسان
