[ في رثاء علي الأكبر (ع) ]
لـمّن فوگ الاكبر شبچت الزان...دارت بيه صوبين دور الجفن بالعين
طاح اعله الأرض من ظهر الحصان...ويلي مهجة احسين
طاحت بالميادين
حين الشاف شبله احسين مطروح...اومن چبده الدمه ایفوح
نوح الوالهه الخَنسَه غده اینوح...ابدمع احمر اومسفوح
يگلّه يامن الجسمي چنت روح...اظل حي وانته مطروح
اومن بعد الارواح امحال الابدان...نمشي يبني حيين
واحنه اعليك ميتين
يبني ياشبه جدّك المختار...ابخدّك كل الانوار
اوفگدانك حدر ضلعاي الاگصار...يسجّر لهبة النار
اومن بعدك حياتي الساحة الدار...ذلّه اومنگصه اوعار
ومحال آنه اظل بعدك يريسان...حي بين الملاعين
واحزاب الشياطين
عفاني اشلون أجد بالگاع جدماي...اوحزنك يبّس احشاي
اوغير العطش ما بحشاي اجد ماي...واجره افراگك ادماي
تدلّيني اعله دربي امحال عيناي...حين الغبت يضواي
اومن عندي اشتريد اليوم سفيان...بيك استافَت الدين
كل واحد ابسبعين
يارهبة البل ياطلعة اسهيل...يضاري اليبرك الخيل
ياجلمود سن الحدر السيل...يافعل الرياجيل
يابدر اليشع لي ابظلمة الليل...او حرز البتهاويل
اشلون امسيت متوسد التربان...لاچن رانت البين
تطعن بالميامين
يا غدّارتي البيها اعلج الكون...يارمحي الطاعون
تودعني السگم يانور العيون...اعليك انياحتي اتهون
يسويد الچبد برضاك واشلون...اظل مسجون مرهون
بالدنيه اوتروح انته للجنان...امهنّه ابنعمة العين
والزين ابحضه الزین
