بزغ چوچب هاشم اومصباحها...اوشد على أم الفخر سرجه اولاحها

بدر وابغرته ايخجل بدر السمه...شبل موت الحمرخاذم صارمه
نفل منهل جود معدن غانمه...لو لفوه وفّاد حي افلاحها

نسب شجرة طيب من أبٍ اوجد...حسب مثل الشمس هل مثله وجد
من محل اوبيت بي ذروة عمد...صعد عشره افلاك طر الواحها

عز حليف السيف ما يعرف التل...أبي اوما ينضام للصمصام خل
چهف للخايف اوللسجّين ظل...طلّسم باب الفرج مفتاحها

در فلا ينساه وأثمانه اتحصه...لاچن الوادم طبگ دونه حصه
چنّه موسه او مرهفه چنّه العصه...كفة اصحاب السحر ذبّاحها

مالها ابعصرين عالمها شبه...الاّ بالهادي النبي مثله وجه
من يشوفه احسین گلبه يفتره...اوذهبت أحزانه اوجتّه أفراحها

عفّت الطيّار جعفر عفّته...اوهيبة الهادي تجلّت هيبته
اوشيمة الكرّار حيدر شيمته...اونال ما نالت الخمسه اشباحها

اجه اليم الحسين جابع بالزرد...لاچن اتچتّف لبوه هيبه الولد
آه لـمّن عاين الشبله الاسد...بچه اوعبراته اعله صدره ساحها

وين يبني اتريد گلّي ياعلي...يمن هم گلبي امن اشوفك ينجلي
جاوبه الاكبر اودم دمعه ايهلي...للحرب روحي تريد ارواحها

أرخص الغالي ولاچن ودّعه...مهجته الولهه العلبه متصدّعه
اوشال ایده احسين للباري دعه...ازلزل السبعه الدعاه وأظراحها

اگبل اعله الحرب معشوگ الحرب...لاچن اعليه ظل ابوه دمعه يصب
من يلوم احسين من عنده الگلب...ابرزه لسيوفها وأرماحها

لوتشوفه من تعادل عالسرج...گمر تام استو بزغ من البرج
مرهفة اجهنّم سناها بي يوج...اورمحه بسناه المنايه احداجها

حيّته ام الفخر وهو ايحيّي بها...مثل روض القفر لو حیّه المها
شافها اعله الكيف غيده اموجّها...يشتفي مظنه الهوه برياحها

طب نديم السيف والموت الحمر...على اعروس الكون وهيه أم الفخر
فرّع اعدد الرمك وادعه الحمر...طوف نوح ابكربله وابطاحها

من عگب مابين غانمها بطش...اوضيف ابجثته اوجثث گومه الوحش
رد لبوه احسين وينادي العطش...فتّت احشاي او گطع سبّاحها

حين شاف احسين شبله ليه سدر...سالم او متنومس ابحرب اوصخر
بچه اعليه من فرحته اودمعه انحدر...ياهله ناده يموت ارواحها

يبني يالغير الشمس مالك ولف...دونك اعيوني ابميّتها ارتشف
وأسدر او أرجو گبل سهم الحتف...جدّك ايروّيك وِرده اسماحها

رجع وابیاحال لاچن من رجع...اغليله من العطش والحر انصدع
ظنّت الجيمان ابو الحمله طلع...من ضريحه اوگبره تلّه اصياحها

گلب عاليها اعله سفلاها لون...مايغدره العبد شيطان الوثن
شبگ فوگ المهر ياويلي اويظن...يعدي بي للطنب جِيد اقراحها

آه لن المهر فر بي للعدَه...ابّيهم ذبّه ابوسطهم مدّه
غده الكل بي گام يروي امهنّده...انذال بالميّت تجرب اسلاحها