یلچنت خیمه وتلمنه...انته ابونه وانته أمنه
بویه رایح وین...علي یابوحسین

چنی صوت ام الیتامه اویه السحر...علی فگدک چم گلب منه انکسر
تره الما عنده ولی ابهاذ الدهر...ایضیع یدروب الیالی والخطر
بیهه یطوی البین...علي یابوحسین

بلخرابه یاعلی یبچی الضریر...وبیمن المسکین عگبک یستجیر
چم یتیمه وچم یتیم وچم فقیر...یاهو ابوالایتام من بعدک یصیر
دللتهه اسنین...علي یابوحسین

بگت های الونه بلکوفه تدور...وبیهه تنعه الفاجده ابوکت السحور
یاعلی اتانی الیتامه اعله الفطور...بیت بیت اتوزع اعلیهه السرور
بعد عید امنین...علي یابوحسین

چنی صوت الیل یحدی وینسمع...وتگعد ابابه الیتامه وتجتمع
مثل ماسکته یضل یبچی الشمع...زینب اتناوبهم ابصب الدمع
ماتبطل العین...علي یابوحسین

بعد بلکوقه زینب باقیه اشعدهه...حدماچان امیرالناس والدهه
عادت مثل طلعتهه الوطن جدهه...اویلی اشلون للکوفه الدهر ردهه
امچتفه ابحبلین...علي یابوحسین

طلعت من الکوفه واندار الوعد...وکل اهلهه اخلصت حته البلمهد
صدگ ماتنعرف بلکوفه بعد...وامس چانت بت امیر ابهل البلد
شوف دور البین...علي یابوحسین

امس بلکوفه امیره وبت امیر...ویلن بلکوفه الدهر عمد یدیر
خارجیه بت علی عدهم تصیر...امیسره ومتکفله اثمانین اسیر
یطلبونک دین...علي یابوحسین

امس بلکوفه چان اسمی امیره...وبیهه الیوم نادونی الاسیره
حرمه وحیرتی یاناس حیره...وامس من الزلم عندی عشیره