عـیل بالـعیالـه...علي یبني یا علي
وعذب الخیاله...علي یبني یا علي
الیوم یومك والگنص حل صیده
بـالـزلم و الـخـیـل طـم الـبـیـده
وعذب الخیاله...علي یبني یا علي
هد یا گانـوص الزلم هاذ ملعب صیدك
الیوم خلـي صارمك یغرم ابچف ایدك
یبني والسبعین الف خل تموج ابویدك
والعـروس ام العـله تنـتـظـر و تـریـدك
خل تشوف اعروسك...علي یبني یا علي
فـخرك و نـامـوسـك...علي یبني یا علي
وآنه اعرفك یا علي ادریبك
یبني و آنه امدربك تدریبك
وعذب الخیاله...علي یبني یا علي
یبني اریـدك هلفزع مــن تطب للساحه
کـون تهـتز کربـله مـن صریخ اصیاحه
اگـصد الراس الزلم جرده من اوشاحه
خلهه من کثر الرعب ماتشوف الراحه
بـیهـم الـعـب جـولـه...علي یبني یا علي
وطگ هذوله ابذوله...علي یبني یا علي
یبني و العب و العماره ابکیفك
کون بیدر روس یحصد سیفك
وعذب الخیاله...علي یبني یا علي
کـون فعـلك یـا عـلی ینکتب بحـروفـه
وطشهه برکان الوغه و الگط المعروفه
خـلي مشرد الزلـم یـخبر اهـل الـکـوفه
عـلي ثـاني بکـربـله و الـیروح الشـوفه
خل تشیع اخبارك...علي یبني یا علي
والـعـب ابادوارك...علي یبني یا علي
یبـني لا بـلـکـون ینـظم یـومـك
شیل و ارفع راس هاشم گومك
وعذب الخیاله...علي یبني یا علي
عـمره بعـده بلغـصن مـاوصل عـشرینه
اتگـول حیدر بلحرب و ابشباب اسنینه
شي خذاها بصارمه و ماخطاها ایمینه
وشي کـتلهه بلحسن شي کـتلهه ابعینه
والحسین اینادي...علي یبني یا علي
ها یصگر اولادي...علي یبني یا علي
لوشفت بالگوم مرحب بیهه
روح بـلنـص جـثـته سـویهه
وعذب الخیاله...علي یبني یا علي
صاح صوته ابن سعد و انتخه ابفرسانه
ولـیریـد الجـایـزه خـل یـطـب مــیدانـه
بکـر ابـن غـانــم طلـع و گـال آنــه و آنه
ومـن تـگابـل وي عـلي مــادره ابمیحانه
ابــو فاضل ناده...علي یبني یا علي
صیده یا صیاده...علي یبني یا علي
ناکر المعروف بیدك موته
جیب راسه وذب لحم تابوته
وعذب الخیاله...علي یبني یا علي
