حسین یبن أمي تراني ماشيه...وراح وكت الراضيه وموراضيه

حسين خويه ماشيه وليك العذر...تدري ماضل شور عندي ولا أمر
عله اچفوفي اندارت احبال الیسر...وزینب الویاك صبحت ماضیه

الیوم زینب بعد مو زینب أمس...وطلع صوتي العد هلي ما ينهجس
ابذره الناگه گمت الوذ امن الشمس...واعله حر الگاع ارکض حافیه

ارکض ابعرض الفله واوگع واگوم...اعله الخیم من صار یحسین الهجوم
هاي بیه تلوذ من سوط الیحوم...وذیچ من النار گد ما حامیه

انه الما ینشاف طولی عد هلي...من بعد فیتك وفیت کافلي
کلهه صاحت هاي زینب بت علي...وانه ابعیني اوصیتك ماناسیه

احسین خویه ابروحي لمیت البنات...وکل خواتك تبگه عندي امدللات
عهد مني ایتامك ابحضني تبات...امدللـه اتنام نوم العافیه

خویه عنك ماشیه غصبن علي...صار بید الگوم امري مو بدي
چنت توگف بالشمس تکسرلي في...وعفتك ابهالشمس جثتك عاریه

هذا وکت الوفه وجثتك عللثره...بالشمس اوگف واسویلك ذره
اشبیدي یبن امي خذوني امیسره...لبن مرجانه ویزید الطاغیه