((ام البنين ))
گالوا ما يمر بيچ .... راح وچنه ناسيچ
گلتلهم اتاني ... گلتلهم اتاني
**********
منــّيتچ گربت كالــــــت تره الناس...دسلميهه الامانه وكطعي الانفاس
گلت يهالخلك شو عندي احساس...ابرجل حسين عتـــبة بيتي تنداس
گالوا راسه مكطوع .... انا بحسرة ودموع
گلتلهم اتاني ... گلتلهم اتاني
**********
گبل جان الحسين بداري موجود...يفارگني واشوفه يركض ايعود
يگــــــلي الباب لتخلينه مسدود...لو عفتــچ دقيقه ارجعلــچ اردود
گالوا نحره محزوز .... گلتلهم فلا جوز
گلتلهم اتاني ... گلتلهم اتاني
**********
براحة ايدي حبني وسافر الحيــــد...ومن ذاك الوكت مسدوده هالايــد
اخاف افتحهه تبعد بوسته ابعيـــــد...أذن للمـــوت اسلم ايدي ماريــــــد
گالولي وعلي مات .... گلتلهم اشاعات
گلتلهم اتاني ... گلتلهم اتاني
**********
اخافنه حچيكم يطــــلع اوهــــام...ويــــرد حسين سالم هاي الايام
اخافنه يـــــجي وما يلگه خـــدام...لذلك قررت انتــــــــظره ما نـــام
گالوا صدره مرضوض .... حچيكم كله مرفوض
گلتلهم اتاني ... گلتلهم اتاني
**********
من يــــــــــــوم المشوا عني الميامين...گلت عوفيـــــــــــهه دراج يم البنـّنين
فانوسي بدية ودمـــــــــــــــعي بالعين...اخاف ابليل يوصل ضـــــــعن الحسين
گالوا شيبه مخضوب .... گلت الزمله الدروب
گلتلهم اتاني ... گلتلهم اتاني
**********
چـّذبوا اعلية گولو مرچ وراح...حتى العين اسدهه وكلبي مرتاح
ابن حذلم اريده ايبطل الصيــاح...بعد ليگلي راس ابنچ عله ارماح
ادري بلحدي محفور .... لكن وسط الگبور
گلتلهم اتاني ... گلتلهم اتاني
